Фуқаролик қурилмаларини қуролга айлантиришни тақиқлаш жаҳон ҳамжамиятидаги мамлакатлар учун қоидага айланиши керак. Бу ҳақда БМТ бош котиби Антониу Гутерриш Бош ассамблея 79-сессиясининг юқори даражадаги ҳафталиги арафасида бўлиб ўтган матбуот анжуманида маълум қилди.
“Мен фуқаролик қурилмаларини қуролга айлантирмаслик керак деб ҳисоблайман. Бу қоидага барча давлатлар амал қилиши керак”, деди у.
Кеча, 17 сентябрь куни Ливанда ҳамда Суриянинг айрим ҳудудларида “Ҳизбуллоҳ” ҳарбийлари бир-бири билан мулоқот қилиш учун фойдаланадиган ўнлаб қурилмалар бир вақтнинг ўзида портлаб кетди.
Маҳаллий ОАВ маълумотларига кўра, пейжерлар портлаши оқибатида 12 киши ҳалок бўлган ва 4000 дан ортиқ одам жароҳат олган. Уларнинг 400 нафари оғир аҳволда экани маълум қилинди.
Бугун Ливанда яна коммуникация жиҳозлари портлади. Бу сафар бошқа гаджетлар — уяли телефон, рация ва автомобиль радиоларида портлаш содир бўлди.
“Портлашлар турар жой биноларида ҳам содир бўлди. Оқибатда 100 дан ортиқ киши жароҳат олди”, деб хабар бермоқда “Ал-Адатҳ” канали.
Изоҳ (0)