Баъзан оддий блогерларнинг ихтироси йирик компанияларнинг технологик янгиликларига қараганда оригинал ва ажойиб бўлади. Масалан, YouTube платформасида Creative Mindstorms номли канал муаллифи Стен ўзининг ихтироси билан интернет фойдаланувчиларни ҳайратга солди.
У обуначилари билан PixelArt роботини йиғиш жараёни акс этган видеони бўлишди. Ушбу қурилманинг асосий жиҳати шундаки, у Lego бўлакларидан исталган кўринишдаги чиройли пикселли тасвирий санъат асарини яратиши мумкин.
Стен томонидан ишлаб чиқарилган қурилманинг деярли барча қисмлари легодан иборат принтерни ташкил этади. Унинг иш майдони 32х32 пиксел ўлчамда. Гаджет ўз ичига олган кубик шаклидаги бўлаклардан турли тасвирларни чоп этади.
PixelArt бирор суратни чиқариши учун унга бу ҳақда маълумот ва буйруқ киритиш, сўнг расм генерация бўлишини кутиш керак. Буйруқ тасдиқлангандан сўнг, қурилма чоп этишни бошлайди.
“Принтерни ишлаб чиқишга тахминан олти ой вақт керак бўлди. Кетказилган вақт ва сарфланган меҳнат бунга арзийдими, деган саволга мен ҳеч шубҳаланмай “Ҳа!” деб жавоб бераман”, — деди блогер.
Дарҳақиқат, бундай принтерни яратишга катта меҳнат кетди. Стен DАLL-E сервиси билан Python дастурида принтер учун махсус дастурлаш тизимини яратди. Lego-принтер ҳозирда 15 хил рангдаги кубиклардан бўёқ сифатида фойдаланади. Масалан, биринчи чоп этилган расм “Кунгабоқар гулини ушлаб турган ғайриоддий робот” деб номланади:
Изоҳ (0)