Янги смартфон ва гаджетларнинг нархи тобора қимматлашиб борар экан, кўплаб фойдаланувчилар тежаш мақсадида аввал ишлатилган девайсларни танлайди. Бундай майда техникаларни бепул реклама жойлаштириладиган турли сайтлар ёки турли чакана савдо нуқталарида сотиб олиш мумкин. Аммо бундай харид ҳар доим баракали бўлавермайди. Келинг, эски гаджетларни сотиб олишнинг барча камчиликларини кўриб чиқамиз.
Қулоқчинлар
Катта қулоқчинлар ёки мини гарнитуралар тезда эскиради. Доимий елкада осиб юриш натижасида қулоқчин ичидаги баъзи деталларга шикаст етиши, бир томони яхши ишламаслиги, овоз сифати пасайиши мумкин. Асосий муаммо шундаки, бу камчиликларнинг барчаси сотиб олишдан аввал текширув пайтида намоён бўлмаслиги мумкин. Қолаверса, бундай ишлатилган гаджетни сотиб олиш гигиена қоидаларига зиддир.
Электр устара ва тиш ювиш чўткаси
Электр тиш чўткасининг ювиш қисмини алмаштиришингиз ва электр устарага янги сетка ўрнатишингиз мумкин. Аммо унинг батареясини алмаштириш унчалик осон бўлмайди. Бундай гаджетларнинг хизмат муддати ноаниқ, уларнинг автоном ишлаш хусусияти тезда бузилади. Шунинг учун бундай қурилманинг мутлақо янгисини сотиб олиш оқилона танлов бўлади. Ёки шунчаки электроникасиз оддий тиш чўткаси ва устара харид қилинг — улар бузилмайди, арзон туради ва доимий алмаштириб турилади.
Power Bank (Ташқи аккумулятор)
Портатив қувват манбаларида литий-ион ёки литий-полимер аккумуляторларидан фойдаланади, уларнинг зарядлаш даври чекланган. Ишлатилган Power Bank’лар телефон батарея қувватини заифлаштиради ва батарея хизмат муддати камаяди. Power Bank харид қилишдан аввал сиз буни текшира олмайсиз. Айниқса, машҳур брендларнинг сохта ташқи аккумуляторлари телефонга зарар етказади.
SSD қаттиқ дисклари
Онлайн савдо платформаларида ишлатилган компьютер қурилмаларига тўла. Аммо у ердан маълумотни сақлаш учун фойдаланиладиган қаттиқ дисклар, SSD дисклар ва флешкаларни сотиб олишни тавсия қилмаймиз. Чунки улардаги хотира ячейкалари чекланган миқдорда қайта ёзиш циклига эга. SSD дискка маълумотларни қайта ёзганда унинг ишлаш муддати камаяди. Албатта, махсус дастурлардан фойдаланган ҳолда дискнинг қанчалик эскирганлигини текшириш мумкин, аммо баъзи сотувчилар бундай маълумотларни сохталаштириб олиши мумкин.
Ақлли соатлар
Смарт соатларни эски ҳолатда харид қилишнинг асосий салбий томони — унинг аккумулятори эскиришидадир. Унинг батареясини алмаштириш ноутбук ёки телефондан мураккаб, шу сабабли янги smart watch сотиб олиш яхшироқдир.
Изоҳ (0)