Япониянинг Yukai Engineering компанияси Nékojita FuFu номли ажойиб мини робот ишлаб чиқди.
Қурилма иссиқ ичимликлар ва овқатларни тезда совитиш учун мўлжалланган мини-робот бўлиб, суюқликнинг ҳароратини 3-5 дақиқада сезиларли даражада пасайтиришга ёрдам беради. У қайноқ чой ёки қаҳвани тезда совитишни истаган фойдаланувчилар учун жуда қулай ва фойдали бўлиши мумкин.
Гаджетнинг номи японча нéко-жита (сўзма-сўз “мушук тили” демак) атамасидан олинган, у иссиқни яхши кўрмайдиган ва тилини куйдириб қўядиган одамларни таърифлаш учун ишлатилади. FuFu эса товушга тақлид сўзи бўлиб, қайноқ чой ёки овқатга пуфлаётганимизда чиқадиган овозимизни ифодалайди.
Оқ мушук кўринишидаги ушбу мини-гаджет жуда енгил ва кичик ўлчамда. Унинг ички қисмида совуқ ҳаво оқимини таъминлаб турадиган вентилятор ўрнатилган.
FuFu’дан фойдаланиш жуда осон бўлиб, уни ишга тушириш учун биргина тугмани босиш керак. Қурилма зарядланадиган батарея билан ишлайди ва турли ўлчамдаги идишларга осонлик билан уланади.
Мазкур ихтиро Япониянинг CES-2025 технология кўргазмасида биринчи марта намойиш этилди, ва япониялик ишлаб чиқарувчилар уни кенг жамоатчиликка таништиришни мақсад қилган. Яқин келажакда уни оммавий тарзда ишлаб чиқариш йўлга қўйилиши мумкин.
Изоҳ (0)