Octobank — Ўзбекистонда расмий ҳисобланган илк бренд. 2024 йил якунларига кўра, Octobank бренди $30 млн (2025 йил 17 мартдаги Марказий банк курси бўйича 388 млрд сўм) этиб баҳоланди.
Ҳисоб-китоб Маркетинг ассоциацияси ва Рақобатни ривожлантириш ҳамда истеъмолчилар ҳуқуқларини ҳимоя қилиш қўмитаси томонидан ташкил этилган Brand Awards International мукофоти доирасида амалга оширилди.
Ҳисоб-китоб учун “Роялтилардан озод қилиш” усули қўлланилди. У даромад прогнозини, ўртача бозор роялти ставкасини ва шахсий таваккалчиликларга мослаштирилган чегирма ставкасини ҳисобга олади.
“Octobank — Ўзбекистонда ўз қийматини баҳолаган биринчи бренд. Бу бозор учун муҳим воқеа. Банк жадал ўсишни, инновацион ёндашув ва юқори хизмат сифатини намоён этди, бу унинг брендида ҳам акс этмоқда”, — деди Маркетинг ассоциацияси бошқаруви раиси Диёр Мирзааҳмедов.
“Бренд қиймати мижозлар бизга ва маҳсулотларимизга қай даражада ишонишини тушунишга ёрдам беради. Натижа хуш кайфият бағишлайди, лекин бу фақат бошланиши. Octobank ривожланишда давом этади, энг яхши молиявий ечимларни таклиф этади ва бозордаги позициясини мустаҳкамлайди”, — деди Octobank Маркетинг бошқармаси бошлиғи Муҳаммад Алиназаров.
Бренд қийматини баҳолаш қуйидагиларга ёрдам беради:
• Инвесторларни жалб қилиш.
• Маркетинг фаолияти самарадорлигини баҳолаш.
• Рақобатчилар орасида ажралиб туриш.
Бренд баҳолаш ва Brand Awards International мукофоти ҳақида батафсил маълумот marketing.uz сайтида.
Рақобатни ривожлантириш ва истеъмолчилар ҳуқуқларини ҳимоя қилиш қўмитаси — антимонопол қонунчилик назорати, истеъмолчилар ҳуқуқларини ҳимоя қилиш ва рақобатни тартибга солиш учун жавобгар давлат органи.
Ўзбекистоннинг Маркетинг ассоциацияси — маркетинг индустриясини ривожлантириш билан шуғулланувчи ташкилот.
Octobank — технологик банк бўлиб, 20 йилдан ортиқ вақт мобайнида мижозларга қулай ва сифатли сервис тақдим этиб келмоқда. Банкнинг мижозлар базаси 3 миллиондан ортиқ жисмоний шахслар ва 2500 дан ортиқ корпоратив мижозларни ўз ичига олади.
Реклама ҳуқуқи асосида
Изоҳ (0)