Баъзан ҳеч қачон тугамайдигандек туюладиган уй юмушлари бекаларга ҳақиқатда муҳимроқ ишлар билан шуғулланишига йўл қўймайди. Бундай ҳолатда имконият туғилганда тозалаш хизматини чақириш ёки ақлли гаджетлар ёрдамида кундалик ишларни тақсимлаш мумкин. Қуйида ҳар бир хонадон учун керакли бўладиган фойдали техникалар ҳақида маълумот берамиз.
Полларни ювиш функциясига эга робот чангютгич
Midea VCR S10 робот чангютгичи анъанавий бир марталик қоплар билан эмас, балки циклон филтри билан ишлайди, йиғилган чиқиндилар унинг махсус колбасига ўтказилади. Мазкур робот турли қатламли сиртларга мослаша олади, 2-3 сантиметрли тўсиқлардан осонлик билан ўтади, оёқлари бор мебел тагини тозалашни унутмайди ва ҳар бир бурчакдаги чангни яхшилаб артади. Моделда махсус аниқлаш сенсори мавжуд бўлиб, у гиламнинг чеккаларини кўтариб, тозалаш функциясини бажаради.
Уй ҳайвонлари учун ақлли идиш
Уй ҳайвонларига ўз вақтида овқат беришнинг имкони бўлмаганда турли режаларни ўзгартириш ёки кечиктириш шарт эмас. Laika LK-K-B01 русумли ақлли идиш маълум вақтда озуқа таъминоти автоматик тарзда бўлишига жавоб беради. Гаджет белгиланган режимга риоя қилади, керагидан ортиқ миқдорда овқат берилишига йўл қўймайди. Уни масофадан бошқариш ҳам мумкин, ақлли идишда видеокамера ва овозли алоқа ўрнатилган. Камера ҳаракатларни кузатиб боради ва уйда бир нечта уй ҳайвонлари бўлса, айнан ким овқатланганини аниқлаш имконини беради.
Автоматик суғориш тизимли гулдон
Ушбу ақлли гулдон хонаки ўсимликларнинг вақтида суғорилмаслигидан хавотир олмасликка ёрдам беради. Автоматик суғориш тизими бир неча ҳафта давомида ишлаши мумкин, у уйдан узоқда бўлганингизда ҳам оптимал намлик шароитларини сақлаб қолади. Ўсимлик 12 ҳафтагача намлик ва керакли миқдорда ўғит билан таъминланади.
Дераза тозаловчи робот
Мазкур қурилма нафақат ойна ва деразаларни, балки кафел ва мозайка деворларни ҳам тозалайди. Гаджетнинг ўзи сиртга махсус тозалаш воситасини суртади, микрофибра матоси эса мураккаб доғларни бартараф этади. Дераза тозаловчи гаджет интернет орқали ишлайди. Унга ўрнатилган хавфсизлик арқони ва маҳкамловчи ҳалқа қурилманинг баландликдан тушиб кетмаслигини таъминлайди.
Пойабзал ва қўлқоп қуритгич
Совуқ мавсумда айниқса фойдали бўлган яна бир гаджет — бу пойабзал учун қуритгич бўлиб, унда қўлқоп, пайпоқ ва бош кийимларни қуритиш мумкин. Қуритгич пойабзалларни дезинфекция қилиш тизимига эга, бу эса оёқ кийимларда ёқимсиз ҳидларнинг пайдо бўлишининг олдини олади. Гаджетни уйга кираверишда жойлашган бирор розетканинг ёнида жойлаштирилиш мумкин (у текис юзага ёпиштирилади).
Сенсорли чиқинди қутиси
Сенсорли чиқинди қутиси билан уй юмушларини бажариш анча қулайроқ бўлади. Унинг ҳаракат датчиклари сиз яқинда эканлигингизни сезади ва қопқоғини автоматик тарзда кўтаради. Сенсор қўлингиз 20 сантиметр масофага яқинлашганда ишга тушади ва қўлингизни олганда қопқоқ овозсиз ва секин ёпилади.
Мушуклар учун чиқинди қутиси
Ҳеч ким мушукнинг ахлат қутисини тозалашни ёқтирмайди, лекин у вақтида алмаштирилмаса, уйда ёқимсиз ҳид пайдо бўлади.
Автоматик чиқинди қутиси техник жиҳатдан мураккаб қурилма, шунинг учун нархи анча баланд туради, лекин гаджет тозалаш ва ҳид муаммосини ҳал қилади. Уй ҳайвони қутидан чиқиб кетиши биланоқ тозалаш жараёни бошланади. Сиз уни фақат чиқинди бўлинмаси тўлганида — тахминан ҳар икки ҳафтада бир марта тозалашингиз керак бўлади.
Изоҳ (0)