AnTuTu синовдан ўтказиш тизими жорий йил январь ойидаги энг кучли Android смартфонларининг рейтингини эълон қилди. Биринчи ўринни MediaTek компаниясининг Dimensity 9400 базасида ишлайдиган Vivo X200 Pro Satellite Edition смартфони эгаллади. Барча тест натижаларига кўра, унинг ўртача самарадорлиги 2 896 624 баллни ташкил қилди.
AnTuTu — бу смартфон ва бошқа гаджетлар учун қўлланиладиган benchmarkинг (синовдан ўтказиш) дастури бўлиб, у қурилмаларнинг умумий ишлаш самарадорлигини баҳолаш ва бошқа гаджетлар билан таққослаш имконини беради.
Иккинчи ўринда эса ғолиб смартфондан бир неча баллга ортда қолган Snapdragon 8 Elite процессорига эга OnePlus Ace 5 Pro смартфони эгаллади. У синовда 2 888 193 балл тўплаган. Декабрь ойи рейтингида етакчи ўринни эгаллаган Red Magic 10 Prо+ модели бу сафар 2 868 701 балл билан учинчи ўринни эгаллади.
AnTuTu тизими смартфонларнинг қуйидаги параметрларини баҳолайди:
- CPU Performance — Процессорнинг ҳисоблаш имкониятларини текширади;
- GPU Performance — График процессор (GPU) орқали қурилманинг графикасини синовдан ўтказади;
- RAM Performance — Оператив хотиранинг ишлаш тезлигини текширади;
- Storage Performance — Ички хотира тезлигини баҳолайди.
Шундай қилиб, 2025 йил январь ойининг энг кучли 10 та смартфони қуйидагича:
- Vivo X200 Pro Satellite Edition (Dimensity 9400) — 2 896 624 балл.
- OnePlus Ace 5 Pro (Snapdragon 8 Elite) — 2 888 193 балл.
- Red Magic 10 Prо+ (Snapdragon 8 Elite) — 2 868 701 балл.
- iQOO 13 (Snapdragon 8 Elite) — 2 853 651 балл.
- iQOO Neo10 Pro (Dimensity 9400) — 2 836 633 балл.
- Vivo Х200 (Dimensity 9400) — 2 816 213 балл.
- Vivo X200 Pro Mini (Dimensity 9400) — 2 799 774 балл.
- OnePlus 13 (Snapdragon 8 Elite) — 2 752 630 балл.
- Oppo Find X8 Pro SatelliteEdition (Dimensity 9400) — 2 706 662 балл.
- Honor Magic 7 Prо (Snapdragon 8 Elite) — 2 684 156 балл.
AnTuTu смартфон ва шунга ўхшаш бошқа гаджетларни ҳар ой 1000 дан ортиқ тестлар асосида баҳолайди. Рейтингни тузишда мазкур тизим реал топшириқлар симулятори орқали барча қурилмаларнинг процессори, графикаси ҳамда хотираси текширади ва уларнинг умумий самарадорлик даражасини баҳолайди. Аммо у дисплей сифати, камеранинг имкониятлари, батарея қуввати ва дастурий таъминотни оптималлаштириш каби омилларни ҳисобга олмайди.
Изоҳ (0)