Apple компанияси 2024 йил 7 май куни ўзининг янгиланган iPad Аir ва iPad Prо, Pencil Prо ва Magic Кеyboard тақдимотини ўтказди. Трансляция компаниянинг YouTube каналида олиб борилди. Гаджетлар 15 майдан сотувга чиқарилиши маълум қилинган.
iPad Аir
Тўрт рангда тақдим этилган iPad Аir М2 чипига эга бўлиб, аввалги авлодига қараганда 50 фоиз тезроқ ишлайди. Хотирасининг ҳажми 128 ГБ дан 1 ТБ гача. У икки ўлчамда —11 ва 13 дюймда ишлаб чиқарилди.
iPad Prо
Ушбу қурилма ҳам икки хил (11 ва 13 дюйм) ўлчамда ва иккита рангдадир. Планшет сунъий интеллект билан ишлай олиши учун унга М4 чипи ўрнатилган. Янги iPad Prо топшириқларни аввалги планшетларга қараганда тўрт баравар тезроқ бажара олади. Унинг стандарт хотира ҳажми 256 ГБ, максимали 2 ТБни ташкил этади.
Янги iPad Prо қалинлиги атиги 5,1 мм. Маълумотларга кўра, бу қурилма Apple’нинг энг ингичка электротехникаси саналади. Таққослаш учун, янги 11 дюймли iPad Prо қалинлиги 5,3 мм.
Pencil Prо
Стилус ручкасида бармоқлар босимини аниқлайдиган, чизиш асбоблари, қалинлиги, ранглари ва бошқа хусусиятларини тезда танлаш имконини берувчи махсус сенсор мавжуд. Бундан ташқари, Pencil Prо симсиз зарядлаш имкониятига эга ва ручка йўқолган тақдирда уни “Локатор” орқали излаб топиш мумкин.
Magic Кеyboard
Ушбу клавиатурадан экран ёрқинлиги ва овоз баландлигини созлаш учун фойдаланиш мумкин. Унинг ўлчами ҳамда сезгирлиги ҳам оширилди ва янада ингичка шаклга эга бўлди. Magic Кеyboard қора ва оқ рангда ишлаб чиқарилди.
Изоҳ (0)