Болаларга мос келадиган телефон танлаш осон иш эмас. Кўплаб омилларни ҳисобга олиш керак: қурилма ишончли бўлиши, қўлдан тушиб кетишларга ва сувга чидамли бўлиши, самарали ва хавфсиз бўлиши керак. Бундан ташқари, телефон жуда қиммат бўлмаслиги лозим, чунки болалар гаджетларини кўпинча йўқотиб қўйишади. Биз ушбу талабларнинг аксариятига жавоб берадиган телефонлар рўйхатини тузишга қарор қилдик.
Google Pixel 7 Prо
Ушбу моделни ўсмирларга совға сифатида бериш мумкин. Телефоннинг дизайни қизиқарли, камераси аъло, батареяси кун давомида ишлашга чидайди, экрани эса ёрқин қуёш нурларига чидамли. Google Pixel 7 Prо мобил телефонлари намлик ва чангдан ҳимояланган. Телефон тўлиқ сув ўтказмайди. Агар корпусда ёриқлар ва тирналишлар бўлмаса, уни 1,5 метргача чуқурликка тушириш мумкин. Бироқ қурилма жуда қўпол, бу барча болаларга ҳам ёқмайди.
Samsung Galaxy А15 5G
Эҳтиёткорлик билан фойдаланилганда бу модел бир неча йил хизмат қилиши мумкин. Қурилма ажойиб экран ва яхши просессор, шунингдек, microSD карталар учун слотга эга. Бундан ташқари, телефоннинг етарлича сиғимли аккумулятори ва яхши камераси ҳам бор. Камчиликларга пластик корпус ва сувдан ҳимояланишнинг йўқлигини киритиш мумкин.
Apple iPhone SЕ (2022)
Ушбу моделни iPhone линиясидаги энг арзон янги телефонлар қаторига киритиш мумкин. Агар ота-оналар ушбу компаниянинг қурилмаларидан фойдаланса, бундай харид яхши ечим бўлади, чунки iPhone SЕ Apple’нинг турли хизматларига уланиши мумкин. Телефоннинг камераси замонавий моделлар билан солиштирганда унчалик эмас, экрани ҳам кичикроқ бўлиб кўриниши мумкин. Аммо модел кичик болаларнинг қўллари учун жуда мос келади. Бундан ташқари, боланинг қурилма экрани олдида ўтказган вақтини кузатиш, шунингдек, телефон ҳозир қаердалигини текшириш мумкин.
ОnePlus Nord N30 SЕ
Мутахассисларнинг фикрига кўра, ушбу модел энг яхши бюджетли мобил телефонлардан бири ҳисобланади. Қурилма юқори аниқликдаги яхши камера, аъло даражадаги иш унумдорлиги ва сифатли тасвирни узатувчи кенг экранга эга. Бундан ташқари, телефонда кучли динамика мавжуд — суҳбатдошнинг ҳар бир сўзи ҳатто шовқинли хонада ҳам аниқ эшитилади. Қурилманинг яна бир афзаллиги — у тез зарядланади (атиги 55 дақиқада 0% дан 100% гача).
HONOR Х7а Plus
Ушбу моделни болага биринчи смартфон сифатида сотиб олиш мумкин. Телефон арзон ва мобил ўйинлар учун унчалик мос келмайди. Лекин камераси ёмон эмас, экрани катта ва процессорлари яхши. Ишлаб чиқарувчиларнинг таъкидлашича, HONOR Х7а Plus 3 кун давомида қувватсиз ишлаши мумкин. Бундан ташқари, у етарлича тез зарядланади.
Vivo Y27
Ўсмирга бу модел жуда оддий туюлиши мумкин, аммо болаларга жуда мос келади. Телефон қулай ва тушунарли интерфейсга эга, шунинг учун ҳатто кичик фойдаланувчи ҳам созламаларни бажара олади. У фаол ишлатилганда ҳам кун давомида қувватни сақлайди. Қурилма етарли даражада кучли процессор билан жиҳозланган, бу бир вақтнинг ўзида бир нечта вазифаларни бажариш имконини беради. Бундан ташқари, телефон чанг ва намликдан ҳимоя қилади.
Blackview BV9300 Prо
Махсус корпус смартфонни чанг ва намлик таъсиридан ишончли ҳимоя қилади, юқоридаги моделлар орасида энг юқори ҳимоя даражасига эга. Шунинг учун ҳам телефоннинг оғирлиги 500 граммдан ошади.
Телефон катта сиғимли аккумулятор, яхши камера ва дисплей билан жиҳозланган. Blackview BV9300 Prо жуда катта хотирага эга. Минусларига қулоқчинлар учун розетканинг йўқлигини киритиш мумкин.
Redmi Note 12
Redmi Note 12 нинг энг яхши хусусиятларидан бири экрани ҳисобланади. Модель AMOLED дисплей билан жиҳозланган бўлиб, у янада сифатли ва контрастли тасвирни кўрсатади, шу билан бирга кўз учун тежамкор режимда ишлайди. Болалар тез-тез смартфонлардан фойдаланишини ҳисобга олсак, бу катта афзаллик. Истасангиз, дисплей ранг гаммасини ўзгартиришингиз мумкин. Телефон аккумулятори 16 соат ишлашга мўлжалланган. Тўғри, қурилмани тезда зарядлаш бир соатдан кўпроқ вақт олади. Телефоннинг яна бир камчилиги — эскирган дастурий таъминотидир.
Изоҳ (0)