АҚШ ва Европа Иттифоқи дипломатлари Эрон олий раҳбари Оятуллоҳ Али Хоманаийнинг вориси ким бўлиши ҳақида махфий музокаралар олиб бормоқда. Бу ҳақда CBS News телеканали манбаларга асосланиб хабар бермоқда.
Хусусан, ядро объектлари ва материалларининг хавфсизлигини таъминлаш имконияти, шунингдек, ядро объектларига ҳарбий зарбаларнинг минтақавий иттифоқчилар учун эҳтимолий экологик ва тиббий оқибатлари муҳокама қилинмоқда.
Телеканал суҳбатдошларининг айтишича, америкалик ва европалик дипломатлар ҳозирги ҳокимиятнинг Эронни қай даражада самарали бошқара олиши масаласини ҳам кўриб чиқишмоқда.
Бундан ташқари келгуси икки ҳафта ичида дипломатия Исроил ва Эрон ўртасидаги можарога барҳам бериш учун “сўнгги имкониятга” эга бўлади.
Бундан аввал АҚШ президенти Дональд Трамп Эрон олий раҳбари Оятуллоҳ Али Хоманаийга мурожаат қилиб, АҚШ “унинг қаерда яшириниб юрганини билишини” таъкидлаган эди. Оқ уй раҳбари ўз сабрининг “тугаб бораётганини” айтган.
13 июнь куни Исроил Эронга қарши мисли кўрилмаган операцияни бошлаб, ядро объектлари, ҳарбий базалар ва қўмондонлик таркибига зарба берди. Исроил расмийларининг айтишича, бу Теҳрон томонидан кучайиб бораётган ядровий таҳдидга жавоб чораси бўлди.
Изоҳ (0)