АҚШ президенти Дональд Трамп ўзининг Truth Social ижтимоий тармоғида Оқ уйнинг собиқ раҳбари Барак Обамани Эрон ядро дастурини ривожлантиришда айбловчи мем жойлаштирди.
“Эроннинг ядро дастурида ким айбдор эканлигини биламиз!” дейди Трамп.
Америка раҳбари ўз хабарига Обама тасвирланган сунъий интеллект томонидан яратилган расмни илова қилган. Тасвирда собиқ президент пул дасталари олдида чўққайиб ўтирганини кўриш мумкин.
“2016 йилда Обама маъмуриятининг Эронга 1,7 миллиард доллар тўлаганини ҳеч қачон унутмаймиз”, дейилган ёзувда.
2016 йилда Обама маъмурияти ҳақиқатан ҳам Эронга деярли 40 йиллик қарз бўйича 1,7 миллиард доллар тўлаган. Америка оммавий ахборот воситалари маълумотларига кўра, ушбу маблағ Эрон ўз ҳудудий сувларида қўлга олган тўрт нафар АҚШ ҳарбий хизматчиларини асирликдан озод қилиш мақсадида берилган.
Бундан олдин Дональд Трампнинг Эронга қарши ҳарбий операция бўйича якуний қарорни кечиктираётгани, мамлакатдаги вазиятнинг Ливия каби тартибсизликка айланиб кетишидан хавотирда экани маълум бўлди.
Трамп 2011 йилда Ливияда содир бўлган воқеаларни Эрон-Исроил можароси ривожланишининг номақбул сценарийси сифатида бир неча бор тилга олган. Манбалардан бири аниқлик киритишича, президент АҚШнинг ҳарбий аралашуви мамлакатда беқарорликка олиб келиб, режим ўзгаришига сабаб бўлган вазиятнинг такрорланишини истамаслигини айтган.
Бундан аввал Трамп Россия ва Украина ўртасидаги можарода АҚШнинг собиқ раҳбари Жо Байденни айбдор деб атаганди.
Изоҳ (0)