2024/25 йилги мавсумда Испания Ла Лигасида VAR (видео ёрдамчи ҳакам) тизими 189 та ҳолатга аралашган. Бу кўрсаткич 2022/23 йилги натижадан (179) 10 тага кўп. Бунга сабаб сифатида ҳакамларнинг қизил карточкалар бўйича кўп хатоларга йўл қўйиши ва яримавтоматик офсайд технологияси орқали миллиметр аниқликда голлар бекор қилингани кўрсатилган.
VAR тизими энг кўп пенальти ҳолатларига аралашган — жами 86 та (янги рекорд). Шунингдек, 40 та қизил карточка ҳолати бўйича видео такрор ёрдамига мурожаат қилинган: уларнинг 29 тасида футболчилар четлатилган, 13 тасида эса сариқ карточка қизилга айлантирилган. Голлар бўйича 62 та ҳолатда VAR аралашган, улардан 40 таси офсайд туфайли бекор қилинган.
VARдан энг кўп зарар кўрган клублар:
• “Реал Мадрид” ва “Алавес” — уларнинг ҳар бири 16 мартадан VAR аралашувидан жабр кўрган.
• Айниқса “Реал Мадрид”нинг 8 та голи VAR томонидан бекор қилинган.
Энг кўп фойда кўрган клуб:
• “Барселона” — VAR 16 марта каталонияликлар фойдасига, 7 марта эса зарарига қарор чиқарган.
VAR орқали пенальти ишлаб олган жамоалар:
• “Атлетик Бильбао” — 7 та,
• “Барселона” ва “Осасуна” — 5 тадан,
• “Реал Мадрид” ва “Атлетико Мадрид” — 4 тадан.
VAR “Леганес”, “Лас-Палмас” ва “Севилья” жамоалари фойдасига умуман пенальти бермаган.
Маълумот учун, 2024/25 йилги мавсум Испания чемпионатида “Барселона” ғолибликни қўлга киритди.
Изоҳ (0)