Хаби Алонсо расман Мадриднинг “Реал” клуби бош мураббий этиб тайинланди. Бу ҳақда “қироллик клуби” матбуот хизмати маълум қилди.
-lsalEVf4.avif)
43 ёшли испаниялик мутахассис клуб билан 2028 йил ёзигача мўлжалланган шартнома имзолади. Битим 1 июндан бошлаб фаоллашади.
Хаби Алонсо 2022 йил октябридан буён Германиянинг “Байер” клубини бошқариб келаётган эди. Унинг қўл остида Леверкузен жамоаси Бундеслигада илк бор чемпионликни қўлга киритди, шунингдек, Германия Кубогида ҳам ғалаба қозонган.
Эслатиб ўтамиз, Алонсо 2009–2014 йиллар оралиғида “Реал” сафида футболчи сифатида тўп сурган ва жамоа билан 6 та совринни, жумладан Ла Лига ва Чемпионлар Лигаси кубогини қўлга киритган.
Аввалроқ, Карло Анчелотти мавсум якунида “Реал” бош мураббийлик лавозимидан кетиши эълон қилинган эди. Италиялик мутахассис кеча, 24 май куни “қаймоқранглилар” сафидаги охирги ўйинини ўтказди. Энди Анчелотти Бразилия терма жамоасида иш бошлайди.
Изоҳ (0)