Карло Анчелотти “Реал Мадрид” бош мураббийлигидан кетади. Бу ҳақда клуб матбуот хизмати расмий баёнот берди. 24 май куни бўлиб ўтадиган “Реал” – “Реал Сосьедад” учрашуви италиялик мутахассис учун Мадрид клубидаги сўнгги ўйин бўлади.
Клуб расмий баёнотида италиялик мутахассисга чуқур миннатдорчилик билдирди:
“Реал Мадрид” раҳбарияти Карло Анчелотти билан “қироллик клуби”даги фаолиятини якунлаш борасида келишиб олдилар. Клубимиз Анчелоттига чуқур ҳурмат ва миннатдорчилик билдиради. У “Реал” ва жаҳон футболининг буюк афсоналаридан бири сифатида тарихда қолади. 24 май куни “Сантяго Бернабеу” стадионида у билан хайрлашув кечаси ташкил этилади, дейилади хабарда.
Анчелотти 2021 йилда иккинчи бор “Реал”га бош мураббий сифатида қайтганди. Унинг қўл остида мадридликлар Ла Лига, Испания Кубоги ва Суперкубогини, 3 марта УЕФА Чемпионлар Лигаси ва Суперкубогини, шунингдек, 2 бор Клуб ўртасидаги Жаҳон чемпионатини ғалаба қозонган.
Эслатиб ўтамиз, аввалроқ Бразилия футбол конфедерацияси Анчелотти терма жамоанинг янги бош мураббийига айланишини эълон қилган эди.
Изоҳ (0)