“Реал Мадрид” ярим ҳимоячиси Лука Модрич Ла Лига доирасидаги “Реал Сосьедад”га қарши ўйиндан сўнг (2:0) жамоа мухлислари билан хайрлашди.
Хорватиялик футболчи ўзи хоҳламаган лаҳза қачондир келиши мумкинлигидан доим қўрққанини айтди:
Мен ҳеч қачон хоҳламаган лаҳза келди. Аммо бу жуда узоқ ва гўзал саёҳат эди. Клубга, президентга, барча мураббийларга ҳамда бу йиллар давомида ёнимда бўлган жамоадошларимга самимий миннатдорлик билдираман. Сизлар доимо мени қўллаб-қувватлаб келдингиз. Бунинг учун чин юракдан раҳмат айтаман. Якунлангани учун йиғлама, содир бўлганидан қувон, дея Модричнинг сўзларини келтиради Marca.
39 ёшли футболчи жорий мавсум барча мусобақалар доирасидаги 56 та ўйинда майдонга тушиб, ўз ҳисобига 4 та гол ва 9 та голли узатма ёздириб қўйган. Модрич “Реал Мадрид” билан Клублар ўртасидаги Жаҳон чемпионатида қатнашади ва шундан кейин “қаймоқранглилар” сафини тарк этади.
Изоҳ (0)