АҚШ ҳарбий-денгиз кучларининг камида иккита эсминеци ҳамроҳ кемалари билан бирга Эроннинг Исроил ҳудудига берган зарбаларини қайтаришда иштирок этмоқда. Бу ҳақда Американинг ABC News телеканали ўз манбаларига асосланиб хабар бермоқда.
_steams_through_the_Mediterranean_Sea-6-NLOCNG.avif)
13 июндан бошлаб Исроил операцияси давомида Шарқий Ўрта Ер денгизида жойлашган USS The Sullivans ва USS Arleigh Burke (иккаласи ҳам Arleigh Burke туридаги) эсминецлари мамлакат ҳудудини Эроннинг баллистик ракеталаридан ҳимоя қилган. Шу ҳафта бошида Исроилни қўллаб-қувватлашни давом эттириш учун минтақага USS Thomas Hudner (шунингдек, Arleigh Burke туридаги) эсминеци етиб келган, USS Arleigh Burke эса минтақани тарк этган.
Шу билан бир вақтда, Арабистон денгизида USS Carl Vinson авиаташувчиси тўртта ҳарбий кема ҳамроҳлигида жойлашган. У Исроил осмонини ҳимоя қилишда иштирок этмайди, балки АҚШнинг Яқин Шарқдаги ҳарбий базалари хавфсизлигини таъминлаш билан шуғулланади.
ABC News маълумотларига кўра, USS Nimitz авиаташувчисининг зарба гуруҳи июнь ойи охирида минтақага етиб келиши ва USS Carl Vinson ўрнини эгаллаши кутилмоқда. Сўнгги авиаташувчи эса АҚШдаги ўз базасига қайтиши керак.
Исроил 13 июнга ўтар кечаси Эроннинг ядро дастурига қарши “Исёнкор шер” операциясини бошлади. Бир суткадан кам вақт ўтгач, Ислом Республикаси жавоб ҳужумини амалга оширди. Кейинги кунларда Исроил ва Эрон ўзаро зарба беришни давом эттирди. Иккала томон ҳам ушбу ҳужумлар натижасида ҳалок бўлганлар ва жабрланганлар борлигини маълум қилди, ўз ҳудудларидаги бир қатор объектларга зарба етказилганини тан олди, аммо етказилган зарар чекланган эканини таъкидлади.
Изоҳ (0)