Украина ҳарбийлари 15 июнь куни Россиянинг Татаристон вилоятидаги Елабуга шаҳридаги рус дронлари заводига ҳужум қилди. Бу ҳақда The Guardian хабар берди.
Ҳужум жойи Украинадан 1000 км узоқликда жойлашган. Украина ҳарбий бош штаби ушбу завод мамлакат энергетика ва фуқаролик инфратузилмасига қарши дронларни ишлаб чиқаргани, синовдан ўтказгани ва учирганини даво қилган. Ижтимоий тармоқлардаги видеоларда Shahed дронларини ишлаб чиқарадиган Елабуга ёки Алабуга шаҳридаги заводда портлаш содир бўлгани тасвирланган. Россиялик маҳаллий губернатор ҳужумни тасдиқлаган.
Бундан ташқари, Россия қўшинлари Украинанинг Полтава вилоятидаги Кременчук нефтни қайта ишлаш заводига ракета ва дронлар билан зарба бергани ҳақида 15 июнь куни Россия Мудофаа вазирлиги баёнот берган. Украина президенти Владимир Зеленский Полтава марказий вилоятига ҳужумни Украина энергетика инфратузилмасига қабиҳ зарба сифатида қоралаган. Украина расмийларининг айтишича, зарбалар асосан энергетика, қишлоқ хўжалиги ва фуқаролик объектларига берилган.
Урушларни ўрганиш институтининг маълум қилишича, Россия қўшинлари Суми вилояти шимолида, Купянск, Северск, Часив Яр ва Торецк яқинида олдинга силжиган. Россия Мудофаа вазирлиги 15 июнь куни ўз кучлари Россияда Уляновка номи билан танилган Донецк вилоятидаги Малйнивка қишлоғини назорат остига олганини даъво қилган. Зеленский 14 июнь куни Украина қўшинлари Суми шимоли-шарқидаги Андриевка қишлоғидан рус қўшинларини чиқариб юборганини айтган.
Изоҳ (0)