British Management University 2025/2026-ўқув йили учун қабул бошланганини эълон қилади

Икки дипломли таълим, дунёнинг етакчи университетларидан ўқитувчилар ва инглиз тилида таълим олиш — бундай имкониятлар British Management Universityда ўқиш учун ҳужжат топширган абитуриентларни кутмоқда.

British Management University икки дипломли бакалавриат ва магистратура дастурларига ҳужжатларни қабул қилишни бошлади. Абитуриентлар молия ва банк иши, лойиҳа бошқаруви, рақамли маркетинг, халқаро менежмент ва бошқа кўплаб йўналишларга ўқишга киришлари мумкин.

British Management University (BMU) — таълим жараёнини етакчи хорижий олий таълим муассасалари талабларига мувофиқ олиб борадиган халқаро даражадаги университет бўлиб, Ўзбекистон Республикаси Вазирлар Маҳкамасининг 2020 йил 8 майдаги 272-сонли қарорига мувофиқ ташкил этилган.

2025 йилда қабул қуйидаги академик дастурларга амалга оширилади.

Бакалавр:

• бухгалтерия ҳисоби ва молия (ACCA);
• банк иши ва молия (CФА);
• бошқарув ахборот тизимлари (АТ);
• логистика ва таъминот занжирларини бошқариш;
• лойиҳаларни бошқариш;
• рақамли маркетинг ва электрон тижорат;
• коммуникациялар ва жамоатчилик билан алоқалар;
• иқтисодиёт ва барқарор ривожланиш.

Магистратура:

• МSc бухгалтерия ҳисоби ва молия соҳасида;
• Халқаро бошқарув бўйича магистр;
• Лойиҳа бошқаруви бўйича MBA.

Нега BMU?

Таълимнинг биринчи йили — Foundation дастури Буюк Британиянинг энг яхши 30 та ва дунёнинг энг яхши 200 та университетлари қаторига кирувчи ҳамкор университет The University of Reading томонидан аккредитациядан ўтган.

Барча фанлар, шу жумладан бизнес фанлари Массачусец технология институти (MIT), Гарвард, Кембриж ва бошқа таниқли университетлар битирувчилари бўлган юқори малакали профессорларнинг халқаро жамоаси томонидан инглиз тилида ўқитилади.

Иккинчи курсдан тўртинчи курсгача талабалар икки дипломли дастурларда таҳсил оладилар, улар ҳар йили Эдинбургда жойлашган 150 йиллик тарихга эга Queen Margaret University (QМУ) томонидан текширилади ва сифати баҳоланади.

British Management University  ва Queen Margaret University (WМУ) дипломлари халқаро миқёсда тан олинган бўлиб, дунёнинг йирик компанияларига ишга жойлашиш ва Ўзбекистонда ҳам, хорижда ҳам иш фаолиятини давом эттириш имконини беради. Университет битирувчилари ўз мутахассисликлари бўйича қуйидаги компанияларда юқори маошли лавозимларда ўз фаолиятини муваффақиятли бошладилар:

• KPMG;
• Deloitte;
• PwC;
• Ипак Йўли Банки;
• Гарант Банк ва давлат секторида.

“Университетдаги ўқиш йилларим касбий ривожланишимда муҳим босқич бўлди. Лойиҳа бошқаруви соҳасида келажакдаги муваффақиятларим учун мустаҳкам пойдевор яратишга ёрдам берган ўқитувчиларимнинг билими ва тажрибасидан чуқур миннатдорман. Айни пайтда мен карьерамни дунёнинг етакчи халқаро аудит ва консалтинг компанияларидан бири бўлган KPMG да консалтинг йўналишида бошладим”,  дея фикр билдирди BMUнинг 2024 йилги “Лойиҳаларни бошқариш” йўналиши бўйича битирувчиси Акрамхўжа Муҳитдинов.

Университет нафақат Ўзбекистон ва Буюк Британия таълим тизими стандартларига жавоб берадиган сифатли Британия таълимини, балки ёрқин талабалар ҳаёти, спорт билан шуғулланиш, нетворкинг ва иш фаолиятини бошлаш учун ажойиб муҳитни таклиф этади.

Замонавий талабалар шаҳарчаси ҳақида

Университетнинг қулай кампуси Мирзо Улуғбек тумани, Мирзо Бобур кўчаси, 35-уй манзилида жойлашган.

Умумий майдони 44 минг кв/м бўлган замонавий ва хавфсиз эко-кампус ҳудудида қуйидагилар жойлашган:

• ўқув ва маъмурий бинолар;
• талабалар турар жойи;
• кафе ва талабалар ошхонаси;
• коворкинг зоналари;
• спорт билан шуғулланиш ва бўш вақтни очиқ ҳавода ўтказиш учун ривожланган инфратузилма.

Янги ўқув биносида бир вақтнинг ўзида беш минг нафаргача талаба таҳсил олиши мумкин. Уларнинг ихтиёрида:

• кенг мажлислар зали;
• гуруҳ машғулотлари ва семинарлар учун аудиториялар;
• кўп функцияли компьютер синфлари ва маъруза заллари;
• 20 минг дона китоб фонди ва рақамли ресурслар тўпламига эга кутубхона. Унда машғулотларга тайёрланиш, изланиш ва лойиҳалар устида ишлаш мумкин.

Ўзбекистон вилоятлари ва бошқа давлатлардан келган талабалар учун кампус ҳудудида 400 ўринга мўлжалланган тўққиз қаватли талабалар турар жойи мавжуд. Ётоқхона резидентлари уч маҳал овқат билан таъминланган бўлиб, қулай ётоқ ва иш ўринлари, шахсий ҳожатхона ва душ кабинасига эга хоналарга жойлаштирилган. Жамоат жойларида кир ювиш хонаси, машғулотлар учун қўшимча жойлар, дам олиш ва ҳордиқ чиқариш жойлари мавжуд.

2025 йил баҳорида университет талабалари ва ходимлари учун замонавий Матрих ускуналари билан жиҳозланган ҳамда ташриф буюрувчиларга максимал қулайлик яратиш мақсадида инновацион технологиялар асосида ишлаб чиқилган спорт залининг расмий очилиши режалаштирилмоқда. 500 квадрат метр майдонни эгаллаган кенг тренажёр зали кампус ҳудудида жойлашган.

Грантлар ва стипендиялар

BMU иқтидорларни рағбатлантиради ва энг яхши абитуриентларга грант асосида қуйидаги имкониятларни тақдим этади:

• инглиз тилини билиш даражаси IELTS 7.0 ва ундан юқори бўлган, математика фанидан кириш имтиҳонлари ва суҳбатдан муваффақиятли ўтган абитуриентларга BMUнинг 50% академик грантлари, шунингдек, бутун ўқиш даври учун 100% давлат грантлари тақдим этилади;
• ижтимоий ҳимояга муҳтож оилаларга мансуб иқтидорли абитуриентларга ўқишнинг тўлиқ даври учун тўлов-контрактнинг 100 фоизини қоплайдиган ижтимоий грантлар анъанавий тарзда ажратилади.

BMU талабаларига ҳам ғамхўрлик қилади, ҳар семестр якунига кўра юқори академик кўрсаткичларга эришган талабаларга стипендиялар тақдим этади. BMU талабаларининг тахминан 10 фоизи ойига 500 минг сўм ёки 1 миллион сўм миқдорида стипендия олади.

Биринчи битирувчилар

2024 йил ноябрь ойида British Management University тарихида илк бор бакалавриат дастури битирувчиларига диплом топшириш тантанали маросимини ўтказди. Битирувчилар British Management University ва Queen Margaret University дипломларини қўлга киритдилар. Тантанали маросим битирувчилар, ота-оналар ва бутун университет жамоаси учун унутилмас воқеага айланди.

Қабул жараёни

Абитуриентлар ҳужжатларни университет веб-сайтида онлайн равишда топширишлари мумкин.

Бакалавриатнинг биринчи курсига кириш учун қуйидагилар талаб этилади:

• Ўрта маълумот тўғрисидаги ҳужжат (мактаб аттестати ёки лицей/коллеж дипломи). Диплом ёки аттестат олгунча абитуриентлар ўқиш жойидан вақтинчалик маълумотнома тақдим этишлари мумкин.
• Инглиз тилини билиш даражасини тасдиқловчи сертификат: IELTS умумий бали 5.5 ёки унга тенг TOEFL 46 балл. IELTS сертификати бўлмаган тақдирда, BMUнинг инглиз тили бўйича ички имтиҳонини топшириш лозим бўлади. BMU кириш тести The University of Reading томонидан ишлаб чиқилган бўлиб, у IELTS ўрнини босувчи имтиҳон ҳисобланади.

Қабул ҳақида батафсил маълумотни BMU веб-сайтидан олишингиз ёки қуйидаги телефон рақамига мурожаат қилишингиз мумкин:

• Телефон: +99895 511 99 99
• Сайт: bmu-edu.uz
• E-mail: info@bmu-edu.uz
• Facebook: fb.com/bmuedu
  
• Instagram: @bmu_uz
  
• Telegram: https://t.me/BMUedu
• LinkedIn: linkedin.com/school/british-management-university
• YouTube: @BritishManagementUniversity

Реклама ҳуқуқи асосида.