“Барселона” футболчиси Ламин Ямал Испания терма жамоасига янги чақирилган “Реал Мадрид” футболчиси Дин Хейсен билан ҳазиллашди. Иккала ёш футболчи Испания терма жамоасига бирга чақирилган бўлиб, терма жамоанинг расмий ижтимоий тармоқ саҳифасида уларнинг бирга тушган сурати эълон қилинди.
Ямал бу суратга изоҳ ёзиб, ўзининг “Эл-Класико”даги янги рақиби устидан кулди. Бу ҳолат футбол мухлислари орасида тезда муҳокамага сабаб бўлди.
Ямал сурат остида қуйидагича ёзди: “Бу менинг янги ўйинчоғим”. Хейсен эса ҳазилга ҳазил билан жавоб қайтарди: “Ўғлим менинг”.
Маълумот учун, Дин Хейсен 2025 йилнинг май ойида Англиянинг “Борнмут” клубидан “Реал Мадрид”га 60 миллион евро эвазига ўтган эди.
Ламин Ямал эса “Барселона” тарбияланувчиси ҳисобланади. У ўтган мавсум Ла Лига доирасидаги 35 та ўйинда майдонга тушиб, ўз ҳисобига 9 та гол ва 13 та голли узатма ёздириб қўйган.
Эслатиб ўтамиз, Испания терма жамоаси 5 июнь куни Миллатлар Лигаси доирасида Францияга қарши майдонга тушади.
Изоҳ (0)