Мадриднинг “Реал” клуби Англия терма жамоаси ҳимоячиси ва “Ливерпуль” академияси тарбияланувчиси Трент Александер-Арнольд билан шартнома имзолаганини расман эълон қилди. 
Футболчи Испания клуби билан 2031 йил июнь ойининг охиригача амал қиладиган узоқ муддатли битим имзолаган. Трент Александер-Арнольд 2016 йилдан бери “Ливерпуль”нинг асосий жамоасида ҳаракат қилиб келган. Ҳимоячи Мерсисайд клуби билан икки карра Англия чемпионлиги, шунингдек, мамлакатдаги барча ички кубокларни, Клублар ўртасидаги Жаҳон чемпионатини ҳамда УЕФА Чемпионлар Лигасини ютишга муваффақ бўлган.
“Реал Мадрид” 2024/25 йилги мавсумни Испания Ла Лигасида иккинчи ўринда якунлади. Европа Чемпионлар Лигасида эса мадридликлар “Арсенал”га мағлуб бўлиб, мусобақани эрта тарк этди.
Изоҳ (0)