“Барселона” клубининг 17 ёшли ҳужумчиси Ламин Ямал CIES (Халқаро спорт тадқиқотлари маркази) томонидан дунёдаги энг қиммат футболчи деб эътироф этилди — унинг трансфер қиймати 402,3 миллион еврога баҳоланган.
Бу кўрсаткич унинг атиги 17 ёшда бўлишига (2024 йил июль ойида 18 га тўлади) қарамай, майдондаги юқори даражадаги ҳаракатлари билан боғлиқ. Рейтингнинг иккинчи поғонасида норвегиялик ҳужумчи Эрлинг Ҳоланд (239,6 млн евро), учинчи ўринда эса инглиз ярим ҳимоячиси Жуд Беллингем (233,8 млн евро) қайд этилган. Тўртинчи ўринда франциялик ҳужумчи Килиан Мбаппе (192,5 млн евро) жой олган. У кучли ўнликда энг ёши катта футболчи ҳисобланади — 26 ёш.
Англия Премер Лигаси кучли 100 талик рўйхатда энг кўп футболчига эга – жами 42 футболчи. Ундан кейин Испания Ла Лигаси – 19 футболчи билан. Клублар орасида эса “Пари Сен-Жермен” етакчилик қилмоқда. Парижликларнинг 11 футболчиси кучли юзталикдан ўрин олган.
CIES талқинига кўра, энг қиммат 10 нафар футболчи:
- Ламин Ямал (“Барселона”) — 402,3 млн евро
- Эрлинг Ҳоланд (“Манчестер Сити”) — 239,6 млн евро
- Жуд Беллингем (“Реал Мадрид”) — 233,8 млн евро
- Килиан Мбаппе (“Реал Мадрид”) — 192,5 млн евро
- Жамол Мусиала (“Бавария”) — 154,8 млн евро
- Педри (“Барселона”) — 143,7 млн евро
- Винисиус Жуниор (“Реал Мадрид”) — 130,4 млн евро
- Коул Палмер (“Челси”) — 126,5 млн евро
- Хулиан Алварес (“Атлетико”) — 126 млн евро
- Флориан Вирц (“Байер”) — 122,3 млн евро
Ҳимоя чизиғи бўйича энг қиммат футболчилар:
Марказий ҳимоячилар ичида — Пау Кубарси (118 млн евро)
Қанот ҳимоячилари орасида — Йошко Гвардиол (100,7 млн евро)
Дарвозабонлар ичида — Барт Вербругген (64,3 млн евро)
Рейтингдаги 100 нафар футболчидан атиги 4 нафари Европанинг кучли бешлик лигаларидан ташқарида тўп суради:
Португалия: Саму Агҳехова ва Виктор Дёкереш,
Бразилия: Эстевао Виллиан (у “Челси” билан шартнома имзолаган),
Саудия Арабистони: Жон Дюран.
Изоҳ (0)