Пенальти зарбаси пайтидаги “иккинчи тегиниш” бўйича янги тартиб тасдиқланди. Бу ҳақда Халқаро футбол қоидаларини белгилайдиган ИФАБ ташкилоти хабар берди.

Энди пенальти ижрочиси тўпга икки марта тасодифан тегиб юборадиган бўлса (масалан, тепиш пайтида оёғи тўсатидан сирпаниб кетиб, тўпга дастлаб таянч оёғи орқали ва кейин тўғридан тўғри уриладиган бўлса) ва бундай вазиятда тўп дарвозага кириб кетса, ҳакам зарбани қайтадан ижро этишга рухсат беради.
Амалдаги қоидаларга кўра, бундай ҳолатда гол бекор қилиниши ва рақиб жамоага эркин зарба берилган бўларди.
Мазкур ўзгариш 2025 йилнинг 1 июлидан расман кучга киради.
Маълумот учун, ушбу қоида сўнгги ЕЧЛнинг нимчорак финалида – “Реал” – "Атлетико Мадрид" ўртасидаги пенальтилар сериясида муҳокамаларга сабаб бўлганди. Унда аргентиналик ҳужумчи Хулиан Алвареснинг зарбаси қоидага зид деб топилган ва гол бекор қилинганди.
Изоҳ (0)