“Реал” АПЛдан 4 нафар футболчини ўз сафига қўшиб олмоқда.
Мадрид клуби Трент Александер-Арнольд, Родри ва Уилям Салиба ёки Кристиан Ромерони кузатмоқда, дея хабар беради The Independent.
Родри — “қаймоқранглилар”нинг асосий трансфер мақсади. “Реал” “Манчестер Сити”нинг 115 та молиявий қоидабузарликлари бўйича олиб борилаётган ишни кузатиб турибди. Бу трансферга ўз таъсирини ўтказиши мумкин. Ярим ҳимоячининг ўзи ҳам Испанияга қайтишга қарши эмас.
Трент эса ҳали “Ливерпуль” билан шартномасини узайтирмаган. Футболчи жорий мавсум охирида эркин агентга айланиши мумкин.
“Реал” Салибадаги иқтидорга ишонмоқда. Бироқ шу билан бирга “Арсенал” футболчисини сотиб олиш қийин бўлишини тушунмоқда. Альтернатив вариант сифатида “Тоттенҳэм” аъзоси Кристиан Ромеро ҳам кўриб чиқилмоқда.
Изоҳ (0)