Golden Boy 2025: Бу йилги мукофот учун асосий даъвогарлар кимлар?

2003 йилда ташкил этилган Golden Boy (Олтин бола) мукофоти бугунги кунга келиб Европадаги энг нуфузли индивидуал совринлардан бирига айланган. Бу мукофот ҳар йили Европа клубларида тўп сураётган энг иқтидорли ёш футболчига топширилади.

Мукофот дастлаб Италиянинг Tuttosport нашри томонидан йўлга қўйилган бўлса-да, ҳозирда унда Франциянинг L’Equipe, Германиянинг Bild ва Англиянинг The Times каби нуфузли оммавий ахборот воситалари ҳам иштирок этади. 2003 йилдан бери бу совринни энг кўп қўлга киритган мамлакат Испания бўлиб, беш нафар испан футболчиси ғолиб бўлган.

Мукофот одатда йил охирида топширилади ва бир календарь йилдаги натижалар инобатга олинади. Амалдаги ғолиб “Барселона” футболчиси Ламин Ямал ҳисобланади. Аммо регламентга кўра, каталониялик футболчи бу совринни яна бир бор юта олмайди.

Айни пайтда “ПСЖ” аъзоси Дезир Дуэ асосий номзод бўлиб турибди. “Арсенал” футболчиси Льюис-Скелли иккинчи ўринни эгаллаган бўлса, “Барселона” ҳимоячиси Пау Кубарси кучли учликка кирган.

Golden Бой 2025 соврини учун 15 нафар номзод:

1. Дезир Дуэ – 03.06.2006 – Ярим ҳимоячи/вингер – “ПСЖ”
2. Майлс Льюис-Скелли – 26.09.2006 – Ҳимоячи/ярим ҳимоячи – “Арсенал”
3. Пау Кубарси – 22.01.2007 – Ҳимоячи – “Барселона”
4. Дин Хейсен – 14.04.2005 – Ҳимоячи – “Реал Мадрид”
5. Итан Нванери – 21.03.2007 – Ярим ҳимоячи/вингер – “Арсенал”
6. Варрен Заир-Эмери – 08.03.2006 – Ярим ҳимоячи – “ПСЖ”
7. Кенан Йилдиз – 04.03.2005 – Ҳужумчи – “Ювентус”
8. Том Бишоф – 28.06.2005 – Ярим ҳимоячи – “Хоффенхайм”
9. Элиэссе Бен Сегҳир – 16.02.2005 – Ҳужумчи – “Монако”
10. Эндрик – 21.07.2006 – Ҳужумчи – “Реал Мадрид”
11. Жоррел Хато – 07.03.2006 – Ҳимоячи – “Аякс”
12. Арда Гюлер – 25.02.2005 – Ярим ҳимоячи – “Реал Мадрид”
13. Жевони Квенда – 30.04.2007 – Вингер/ҳимоячи – “Спортинг”
14. Клаудио Эчеверри – 02.01.2006 – Вингер/ярим ҳимоячи – “Манчестер Сити”
15. Кобби Майну – 19.04.2005 – Ярим ҳимоячи – “Манчестер Юнайтед”.