Тошкент шаҳрининг Юнусобод тумани, Отчопар кўчасида жойлашган ошхонада 24 май куни соат 18:40 да ёнғин содир бўлди. Бу ҳақда пойтахт ФВБ хабар берди.
Шунга кўра, ёнғин-қутқарув экипажлари айтилган манзилга соат 18:48 да етиб бориб, ёнғин соат 18:55 да ўчирилган.
Шунингдек, Андижон шаҳар, “Иқбол” МФЙ (3-кичик даҳа) ҳудудида жойлашган 9-уйда 24 май куни соат 19:36 да ёнғин содир бўлган.
Ёнғин-қутқарув экипажлари соат 19:44 да айтилган манзилга етиб борган ва ёнғин ўчирилган.
Ҳодиса оқибатида аҳоли яшаш хонадонининг тахминан 15 кв метр майдонида уй-рўзғор буюмлари ёниб зарарланган.
Ҳодисалар оқибатида жабрланганлар йўқ. Ҳозирда ёнғинларнинг сабаби ва келтирилган моддий зарар аниқланмоқда.
Тошкентда сўнгги кунларда ёнғинлар сони ошди. 14 май куни Сергели тумани Нилуфар кўчасида жойлашган омборда йирик ёнғин содир бўлди. Ёнғинни бартараф этиш ишларига 12 та асосий, 6 та махсус ва 6 та сув ташувчи ёнғин ўчириш техникаси жалб қилинган. Омборда спиртли маҳсулотлар, турли хил материаллар, четдан олиб келинган товарлар ҳамда тиббиётга оид воситалар сақланган.
Изоҳ (0)