Президентнинг Словенияга ташрифи, Хоразмда солиқ инспекторига нисбатан жиноят иши қўзғатилиши, айрим шифокорларнинг ойлик лавозим маошлари оширилиши – “Дарё” нашри 22 майда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Ўзбекистонда хусусий бандлик агентликларига янги ҳуқуқлар берилиши мумкин
Тегишли қонун лойиҳаси партия фракциялари муҳокамасига киритиш учун тайёрланмоқда.
Ўзбекистонда айрим шифокорларнинг ойлик лавозим маошлари оширилади
Туман (шаҳар) марказий шифохоналари шифокорларининг ойлик лавозим маошлари 20 фоиз миқдорида оширилади.
Оилавий поликлиникаларда тиббиёт ходимлари 1 июлдан фақат тўлиқ ставкада ишлайди
Бу ўзгариш тажриба-синов лойиҳаси доирасида Ўзбекистоннинг фақат айрим ҳудудларда жорий этилади.
Ноқонуний йўл билан ҳажга борганлар Саудиядан депортация қилинади
Дин ишлари бўйича қўмита фуқароларни учинчи давлатлар орқали ҳажга жўнатишга уринаётган турфирмалардан огоҳлантирди.
Словенияда Ўзбекистон президентини расмий кутиб олиш маросими бўлди (фото)
Люблянадаги Конгресс майдонида Шавкат Мирзиёевни Словения президенти кутиб олди.
Шавкат Мирзиёев ва Наташа Пирс Мусарнинг музокаралари бўлиб ўтди. Нималар муҳокама қилинди?
Туризмни, айниқса, қишлоқ ва тоғли ҳудудларда ривожлантириш истиқболли йўналиш сифатида белгиланди.
“Россия хаёлпарастлардан тезроқ қутулиши керак” — Алишер Қодиров
У Путин маслаҳатчисининг СССР “юридик жиҳатдан” мавжудлигини айтган баёнотига муносабат билдирди.
Ўзбекистонда 10 нафар хонанда муаллифлик ҳуқуқини бузгани учун лицензиясидан айрилади
Шоир ва бастакорлардан мурожаатлар келиб тушган.
Сирдарёда рашкчи эркак юзига ниқоб тақиб маҳалла раисини ўлдирмоқчи бўлди
Унинг рафиқаси маҳалла фуқаролар йиғинида ишлаган.
Ўзбекистонда иссиқлик таъминоти объектларини қуришга 500 млрд сўм ажратилди
Шунингдек, иссиқлик таъминоти тизимини “ёпиқ” тизимга ўтказиш учун қўшимча 50 млрд сўм ажратилади.
Ўзбекистон ва Словения ўртасида тўғридан-тўғри авиақатновлар йўлга қўйилиши режалаштирилмоқда
Шавкат Мирзиёев Словения бош вазири Роберт Голоб билан учрашув ўтказди.
Тошкентда йўловчилар автобус ҳаракатига халақит берган машина ҳайдовчисини “самосуд” қилди (видео)
Воқеада автобус ҳайдовчиси иштирок этмаган.
Ўзбекистон ва Словения ўртасида қандай ҳужжатлар имзоланди? Рўйхат
Шавкат Мирзиёев ва Словения бош вазири Роберт Голоб Қўшма баёнот имзолади.
Тошкентдаги кўчалардан бири 2 кунга ёпилди
Бунга Мирзо Улуғбек туманидаги қурилиш-таъмирлаш ишлари сабаб бўлади.
Иқтисодиёт ва молия вазирлиги ходимларидан мадҳияни ёдлаб, видеога олишни талаб қилгани айтилмоқда (видео)
Вазифа ижроси учун бир ой вақт берилган.
Биринчи Ўзбекистон–Словения парламентлараро форуми Самарқандда ўтказилиши мумкин
Шавкат Мирзиёев Словения Миллий ассамблеяси раиси билан учрашув ўтказди.
Хоразмда солиқ инспекторига нисбатан жиноят иши қўзғатилди
У трикотаж маҳсулотлари ишлаб чиқариш билан шуғулланувчи МЧЖнинг солиқ қарздорлигини ундирмасдан, банкротлик асосида тугатмоқчи бўлган.
Хоразмдаги Марказий банк биносининг томида ёнғин содир бўлди
Томнинг тахминан 80 кв метр майдонида ёнғин рўй берган.
Изоҳ (0)