Uzcosmos ва Uzum “Ёш муҳандис” танловида совғалар топширди

Танлов 25 февраль куни бошланган бўлиб, унда 12 ёшдан 20 ёшгача бўлган 133 та мактаб ўқувчилари ва талабалар жамоаси маиший ва ижтимоий муаммоларни ҳал қилишга ёрдам берадиган 150 дан ортиқ муҳандислик ишланмаларини тақдим этди. Финалга 28 та жамоа чиқди.

— Инсоният тарихидаги барча муҳим ютуқларни бизнинг танлов иштирокчиларимиз каби ёш ихтирочилар амалга оширган. Бу ихтироларнинг асосий драйвери ҳар доим қизиқувчанликдир. Мен сизга қизиқувчан бўлиб қолишингизни ва Ўзбекистонни олдинга силжитишингизни тилайман, — деди тадбирда Руслан Намазов, Uzum E-com SТО/SPО.

— Бундай ташаббуслар шунчаки танлов эмас, балки мамлакатимиз муҳандислик ва космик саноати келажаги учун сармоядир. Биз истеъдодлар ўз ғояларини амалга ошириш имкониятига эга бўладиган, бизнес ва илм-фан эса янги етакчиларга эга бўладиган экотизим яратмоқдамиз! Муҳандислик тафаккурини ривожлантириш ва ёшларни қўллаб-қувватлашга қўшган ҳиссаси учун барча иштирокчиларга, устозларга, университетлар ва ҳамкорларга катта миннатдорчилик билдираман, — деди Агентлик директори Шуҳрат Қодиров.

Ғолиблар:

1-ўрин: Абубакр Рафукжонов, "Иқро аcаdemy" хусусий мактабининг 6-синф ўқувчиси (Андижон). У математика ўқитиш учун робот-ўқитувчи йиғди.

2-ўрин: Исломжон Тўлахўжаев, Тошкент вилояти Паркент туманидаги 11-умумтаълим мактаби ўқувчиси. Унинг робот-ўт ўчирувчисининг мақсади ёнғин содир бўлганда кексаларга, касалларга ва биноларда ёлғиз қолганларга ёрдам беришдир.
3-ўрин: Алексей Кремер ва София Ғаниева, Сеҳриё хусусий мактаби таълимоти (Тошкент). Лойиҳанинг номи BioAI — сунъий интеллектдан фойдаланган ҳолда соғлиқни мухофаза қилиш учун ёрдамчи.

"Энг креатив лойиҳа" номинациясида бош соврин қуйидаги лойиҳаларга берилди:
"Миллат умиди" хусусий мактаби ўқувчиси Жавдат Худанов (Тошкент) Smart house ва Сеҳриё хусусий мактаби (Тошкент) ўқувчиси Амир Соипов томонидан яратилган орбитани космик чиқиндилардан тозалаш учун Orbit clear.
Улар Европадаги энг йирик ва дунёнинг ТОП-5 космик марказлари қаторига кирувчи Гуҳем халқаро космик марказига йўлланмани қўлга киритди.

Шериклик ҳуқуқи асосида.