Наманганда газ таъминоти корхонасига қарашли маиший газ баллонлари фуқаро хонадонида ноқонуний тарзда сақланаётгани аниқланди, деб хабар бермоқда “Ўзэнергоинспекция”.
Келтирилишича, ҳолат “Ўзэнергоинспекция” Наманган вилоят ҳудудий бошқармаси ва ҳуқуқни муҳофаза қилиш органлари ҳамкорлигида ўтказилган назорат тадбирида аниқланган. Наманган тумани “Паст Қиёт” МФЙда яшовчи фуқаро Х.З. хонадонида маиший газ баллонлари ноқонуний тарзда, техника ва ёнғин хавфсизлиги талабларига мутлақо зид равишда сақланаётгани маълум бўлган.
Ўрганиш давомида фуқаро Х.З. маиший суюқ газ баллонларини фуқароларга 120 минг сўмдан сотаётгани ҳамда аҳоли хонадонларига тегишли бўлган турли хил ҳажмдаги маиший газ баллонлари газ таъминоти корхоналарининг рақамли шифр (стикер)лар мавжудлиги маълум бўлган.
Мазкур қоидабузарлик ҳолати бўйича тегишли ҳужжатлар расмийлаштирилди.
Ноқонуний тарзда сақланган маиший газ баллонлари
Андижонда жами 212 та суюлтирилган газ баллонларини ноқонуний равишда сақлаган хонадонлар аниқланганди. Февраль ойида эса Самарқанд вилояти Тойлоқ туманида суюлтирилган газ сотувидан тушган маблағларни ўзлаштирган шахслар аниқланганди.
Изоҳ (0)