Тошкент вилоятининг Пискент тумани, “Лолаариқ” маҳалласи ҳудудида очиқ дала майдонда 15 май куни соат 16:50 ларда ёнғин содир бўлди. Бу ҳақда вилоят ФВБ хабар берди.
Маълум қилинишича, ёнғин жойига 1 та ёнғин-қутқарув экипажи ҳамда 7 нафар қутқарувчи жалб қилинган.
Ёнғин туман захира ерларида 1 гектар майдонда юзага келиб, натижада ушбу ҳудуддаги қуруқ ўт ва шох-шабба ёнган.
Олиб борилган саъй-ҳаракатлар натижасида ёнғин соат 18:25 да тўлиқ бартараф этилган.
Ҳодиса оқибатида тан жароҳат олган ва ҳалок бўлганлар йўқ.
Сўнгги вақтларда содир бўлган ёнғинлар
20 ноябрь куни Тошкент шаҳар Мирзо Улуғбек тумани, “Лашкарбоши” МФЙ Ниёзбек йўли кўчасида жойлашган умумий овқатланиш жойининг дудбуронида ёнғин содир бўлди.
31 декабрь куни Чилонзор туманидаги овқат тайёрлаш жойида ёнғин содир бўлган эди.
2025 йил 25 февраль куни Тошкент шаҳрининг Яшнобод тумани, Авиасозлар 4-даҳасида жойлашган автомобиллар ювиш жойида ёнғин содир бўлганди.
Изоҳ (0)