Жиззах вилояти Шароф Рашидов тумани ҳудудидан ўтувчи халқаро автомобиль йўлида юк машинаси ёниб кетди. Бу ҳақда вилоят Фавқулодда вазиятлар бошқармаси матбуот хизмати хабар берди.
Маълум қилинишича, ҳодиса 9 май куни соат 17:20 да М-39 халқаро автомобиль йўлининг Жиззах вилояти, Шароф Рашидов тумани “Қанғли” МФЙ ҳудудида ўтувчи қисмининг 971-километрида ҳаракатланиб кетаётган юк машинасида ёнғин бўлгани тўғрисида Фавқулодда вазиятлар бошқармаси навбатчилик қисмига хабар келиб тушган. Хабарга асосан воқеа жойига ёнғин-қутқарув экипажлари соат 17:39 да етиб бориб, ёнғин соат 17:47 да тўлиқ ўчирилган.
Ёнғин натижасида юк автомобилининг двигатель ва салон қисми ёниб зарарланган.
Ҳозирда ёнғин сабаби ва моддий зарар миқдори аниқланмоқда. Ёнғин оқибатида тан жароҳати олганлар йўқ.
Бундан аввал Тошкент шаҳар Юнусобод туманида бетон тўсиққа урилган электромобиль ёниб кетган эди. BYD ҳайдовчиси рул бошқарувини йўқотиб, йўлни ажратиб турувчи бетон тўсиққа урилиши натижасида ёнғин келиб чиққан.
Тўқнашув натижасида ҳайдовчига шифокорлар томонидан тиббий ёрдам кўрсатилган.
2024 йил 3 ноябрь куни ҳам Қамчиқ довонида юк автомобилида қисқа туташув сабабли ёнғин юзага келганди. Шунингдек, Қамчиқ довонида 5 ноябрь куни соат 13:30 ларда юк машинаси ёниб кетганди.
Декабрь ойи охирида Қашқадарё ва Тошкентда машиналар ёниб кетганди. Февраль ойининг 2-санасида Тошкентнинг Янгиҳаёт туманида машина ёниб кетган.
Бундан ташқари, Жиззах вилояти Зомин туманида юк машинаси ёниб кетганди.
- Андижонда ҳаракатланиб кетаётган “ЗИЛ” бутунлай ёниб кетди (видео)
- Тошкент вилоятида Cobalt билан тўқнашган Nexia-2 ёниб кетди
Изоҳ (0)