Жиззахдаги бозор яқинида икки қаватли чойхона ёниб кетди (видео)
Жиззахдаги бозор яқинида икки қаватли чойхона ёниб кетди. Бу ҳақда ФВВ хабар берди.
Кадр: Telegram
Маълум қилинишича, Жиззах шаҳар, “Халқобод” МФЙда жойлашган бозор яқинидаги чойхонада ёнғин содир бўлгани тўғрисида ФВБга хабар тушган. Шунга кўра 2 та ёнғин-қутқарув экипажи ёнғин жойига етиб борган.
Айрим ижтимоий тармоқларда Жиззах шаҳридаги бозорда ёнғин содир бўлаётгани тўғрисида нотўғри хабарлар тарқалмоқда. Аслида ёнғин бозор яқинидаги ошхонада рўй берган.
Ёнғин соат 14:50 да ўчирилди.
Сўнгги вақтларда содир бўлган ёнғинлар
2024 йилнинг 13 октябрь куни Юнусободда янги қурилаётган бинонинг томи ёниб кетганди. 16 октябрда эса Миробод туманида жойлашган “Миран” меҳмонхонасининг қурилиши давом этаётган эски биносида ёнғин чиқди.
Шунингдек, 20 октябрь куни соат 16:54 да Шайхонтоҳур туманидаги Билдириш тор кўчасида жойлашган хонадонларда ёнғин содир бўлди.
Бундан ташқари, Олмазор тумани “Чинобод” МФЙ, Сағбон 30-берк кўчасида жойлашган 5-уйдаги хонадонларнинг бирида 31 октябрь куни соат 02:13 да ёнғин содир бўлди.
20 ноябрь куни Тошкент шаҳар Мирзо Улуғбек тумани, “Лашкарбоши” МФЙ Ниёзбек йўли кўчасида жойлашган умумий овқатланиш жойининг дудбуронида ёнғин содир бўлди.
31 декабрь куни Чилонзор туманидаги овқат тайёрлаш жойида ёнғин содир бўлган эди.
2025 йил 25 февраль куни Тошкент шаҳрининг Яшнобод тумани, Авиасозлар 4-даҳасида жойлашган автомобиллар ювиш жойида ёнғин содир бўлганди.
Изоҳ (0)