Toshkentning Sergeli tumanida omborda yong‘in sodir bo‘ldi. Bu haqda FVV matbuot xizmati xabar berdi.
Ma’lum qilinishicha, 14-may kuni soat 11:03 da Nilufar ko‘chasidagi omborxonada yong‘in bo‘layotgani to‘g‘risida murojaat kelib tushgan. Soat 11:05 da 12 ta yong‘in-qutqaruv ekipajlari yetib borgan. Yong‘in soat 12:15 da qurshab olingan va soat 13:31 da batamom o‘chirildi.
Voqea joyiga favqulodda vaziyatlar vaziri Botir Qudratxo‘jayev va vazirning birinchi o‘rinbosari Sanjar Zuparov ham yetib borgan.
Hodisa oqibatida tan jarohati olganlar to‘g‘risida ma’lumot kelib tushmagan. Ayni paytda yong‘inni keltirib chiqargan sabablar hamda yetkazilgan zarar miqdori aniqlanmoqda.
Izoh (0)