Американинг энг бой актрисаси ким? Жулия Робертс эса охирги ўринда

Америкалик актрисаларнинг қайсилари энг бой эканлиги билан танишиб чиқамиз.

10. Жессика Альба

“Қора фаришта”, “Гуноҳлар шаҳри”, “Фантастик тўртлик” фильмлари юлдузи Жессика Альба гонорарига боғланиб қолмасликни истарди. Натижада 2011 йилда у болалар ва уй учун экологик тоза маҳсулотлар бренди — Тhe Honest Company’ни ишга туширди.

Компания миллиардлик сармояга эришди, Жессиканинг ўзи эса бизнеследи мақомига кўтарилди. 2021 йилда брендни биржага чиқариб, юз миллионлаб даромад топди.

Ҳозирда унинг уч фарзанди, турмуш ўртоғи, гўзал ҳаёти ва ақлли ҳамда босиқ аёл сифатидаги обрўси бор.

9. Жулия Робертс

“Ҳурилиқо” фильмидан сўнг Жулия ўша давр тимсолига айланди: “Ноттинг Ҳилл”, “Энг яқин дўстимнинг тўйи”, “Эрин Брокович” — сўнгги фильм учун у “Оскар” мукофотини қўлга киритди ва роли учун 20 миллион доллар гонорар олди. Бу ўша пайтда рекорд эди.

Жулия ўз ишини севади. Шу боис шовқин-сурон ва жанжаллардан кўра, жимгина ишини қилишни афзал кўради. У операторга турмушга чиқди ва учта фарзанд кўрди.

Бойлиги тахминан 250 миллион доллар атрофида. Жулия ҳашаматли ҳаётни яхши кўради, аммо пулни оқилона сарфлашга интилади.

8. Женнифер Энистон

“Дўстлар” сериали эндигина эфирга чиққанида ҳеч ким у шунчалик машҳур бўлишини ва Энистоннинг соч турмагини бутун дунё аёллари нусхалашини тасаввур қилмаганди. Бироқ айнан шундай бўлди. Рейчел ролини ижро этиб, у бутун бир авлоднинг рамзига ва энг юқори маош олувчи актрисалардан бирига айланди.

Сериал тугагач, у “Марли ва мен”, “Биз Миллерлармиз”, “Ёмон хўжайинлар” каби фильмларда суратга тушишни давом эттирди. Бу фильмлар уни енгил комедия қироличасига айлантирди. Кейинчалик у “Тонгги шоу” билан телевидениега қайтди ва яна ҳар бир қисм учун миллион доллар оладиган юлдузга айланди.

Унинг бойлиги 300 миллион доллардан ошади. Бунга қўшимча равишда Aveeno ва Emirates каби брендлар билан реклама шартномалари ҳам бор.

Шахсий ҳаёти худди бир сериалга ўхшайди: Бред Питт билан турмуш, ажралиш, севги муносабатлари, шов-шувли сарлавҳалар. Унинг фарзанди йўқ, аммо 2022 йилда сунъий уруғлантириш усули орқали ҳомиладор бўлишга уринганини очиқ тан олди. Бироқ бу уринишлар натижа бермади.

6. Женнифер Лопес

Лопес Нью Йоркнинг энг қашшоқ туманларидан бири бўлган Бронксда туғилган. Раққоса сифатида ишлай бошлаган. Аммо ҳаёти “Селена” номли фильмдаги бош ролдан кейин ўзгариб кетди. Кинода у томошабинларни ўзига жалб қиладиган ҳақиқий магнитга айланди.

Бироқ Лопес фақат актрисагина эмас. Ҳали ҳеч ким актрисалар ҳит-парадлар ярата олишини билмаган пайтда у қўшиқ куйлаган. 

Бойлиги 400 миллион доллардан ошади. Кийим-кечак линияси, атир-упалар, турлар, фильмлар, сериаллар, шартномалар, Netflix, продюсерлик — барчаси унинг қўлида.

Шахсий ҳаёти худди кинодагидек: уч марта турмуш қурган, Марк Энтонидан эгизаклари бор, 20 йилдан сўнг Бен Аффлекка қайтиб, Лас Вегасда тўй қилган. Аммо 2025 йилда улар яна ажрашди.

4. Ким Кардашьян

У ҳақда истаганча ҳазиллашиш мумкин, аммо ҳақиқат шуки — у империя яратди. Дастлаб реалити-шоу, кейин суратлар, сўнгра брендга айланган ном.

Унинг бизнеси улкан: KKW косметикаси, Skims ички кийимлари, шартномалар, реклама, телекўрсатувлар. Skims ҳозирда бир миллиард доллардан ортиқ қийматга эга. Кимнинг бойлиги тахминан 1,7 миллиард доллар.

Шахсий ҳаёти сериал учун сюжет бўла олади. Учта никоҳ, Канье Уэстдан тўрт фарзанд, ажралишлар, кейин Пет Девидсон билан муносабат — буларнинг барчаси доимо муҳокама марказида.

3. Рианна

Хонанданинг машҳурлиги “Umbrella” ҳити билан бошлаган ва ўшандан бери у нафақат чўққида қолди, балки афсонага айланди. Мусиқа рейтингларида унинг қўшиқлари ҳали ҳам янграйди, гарчи мухлислар янги альбомни деярли 10 йилдан бери кутаётган бўлса ҳам.

Рианна Fenty Beauty косметика брендини яратди — бренд одамларга ҳар қандай тери рангига мос келадиган пардоз воситаларини тақдим этади. Шундан кейин Savage Х Fenty кийимлари, ундан сўнг эса Fenty Hair маҳсулотларини сотувга чиқарди.

У, албатта, актрисадан кўра кўпроқ қўшиқчи, аммо “Баттлешип”, “Оушеннинг 8 дўсти”, “Валериан ва минг сайёралар шаҳри” фильмларида ҳам рол ўйнаган. Бойлиги — тахминан 1,4 миллиард доллар.

2. Опра Уинфри

Опра Миссисипи штатининг чекка ҳудудида қашшоқликда туғилган, болалигида зўравонликни бошдан кечирган, сотувчи бўлиб ишлаган. Буларнинг барчаси у 19 ёшида янгиликлар микрофони қаршисига ўтиришидан олдин содир бўлган.

“Опра Уинфри шоуси” — 25 йил эфирда, миллионлаб томошабинлар, кўз ёшлари, эътирофлар, тарихга кирган суҳбатларни тақдим этди. У ҳар бир дастурни шедевр асарга айлантирарди. Одамлар шунчаки суҳбатлашгани келиб, бутунлай ўзгарган ҳолда кетишарди.

Кейинчалик — Harpo Productions, OWN телеканали, О журнали, инвестициялар, фильмларга бўлган ҳуқуқлар, Weight Watchers’даги улушларга эгалик қилди. 2025 йилга келиб унинг бойлиги тахминан 3 миллиард долларни ташкил этади.

У Майкл Жексон, Барак Обама ва ҳатто шаҳзода Гарри ҳамда Меган билан суҳбатлашди.

1. Жейми Гертс

80 йилларда у  “Йўқолган болалар”, “Нолдан кам”, “Сайнфелд”, “Элли Макбил”, “Тез ёрдам” фильмлари орқали машҳурликка эришди.

Кейинчалик у молиячи, сармоядор ва жуда ақлли йигит Тони Ресслерга турмушга чиқди. Улар биргаликда бизнес-жуфтликка айланишди. Кейин эса “Атланта Ҳокс” баскетбол клубини сотиб олишди.

Ҳозир унинг бойлиги 8 миллиард долларга баҳоланмоқда. Жейми бу пулларни сериаллар ёки косметикадан эмас, балки инвестициялар ва спорт жамоасига эгалик қилишдан топган.