Yangi seriallar har doim tomoshabinlarda qiziqish uyg‘otadi. Ayniqsa, bu loyihalar mashhur aktyorlar ishtirokida yoki Marvel kabi gigant studiyalarning navbatdagi ishi bo‘lsa. Quyida 2025-yilda chiqishi kutilayotgan eng qiziqarli seriallar haqida so‘z boradi.
1. “Chad Pauers” (Chad Powers)
Janr: Komediya, sport
Premyera sanasi: 2025-yil 30-sentyabr
Rejissyor: Toni Yachenda
Bosh rolda: Glen Pauell
Futbol haqida hikoya qiluvchi bu serial avvalroq sobiq futbolchi Eli Manning tomonidan yaratilgan kulgili sketch asosida suratga olingan. Glen Pauell bosh qahramon sifatida Chad Powers obrazini gavdalantiradi, u yangi ism ostida boshqa jamoaga o‘tib, sport karyerasini tiklashga urinadi.
2. “Temir yurak” (Iron heart)
Janr: Super qahramonlik, ilmiy-fantastika
Premyera sanasi: 2025-yil 24-iyun
Rejissyorlar: Sem Beyli, Anjela Barnes
Bosh rolda: Dominik Torn
Marvel Studios’ning navbatdagi mini-seriali “Temir yurak” nomi bilan chiqadi. Unda talaba qiz Riri Uilyams o‘zining texnologik kostyumini yaratadi va Temir odam sifatida taniladi. Marvel muxlislari uchun bu serialni o‘tkazib yubormaslik tavsiya etiladi.
3. “Qotil-bot” (Murderbot)
Janri: Ilmiy-fantastik, triller
Premyera sanasi: 2025-yil 16-may
Rejissyorlar: Kris Vayts, Pol Vayts
Bosh rolda: Aleksandr Skarsgard
Android qo‘riqchilar odamlarni turli tahdidlardan ishonchli himoya qilib, kosmik ekspeditsiyalarning hamrohiga aylanadi, ammo shunday androidlardan biri xavfsizlik tizimini buzish tufayli to‘satdan ongli va erkin botga aylanadi. Endi u xavfli vazifalarni bajarishda davom etib, yangi qobiliyatlarini sinab ko‘ra boshlaydi. Serial sun’iy intellekt, odamlar bilan robotlar o‘rtasidagi murakkab munosabatlar haqidadir.
4. “Barchasi adolatdan” (All’s Fair)
Janr: Drama, huquq
Premyera sanasi: 2025-yil kuz
Rejissyor: Rayan Myorfi
Bosh rollarda: Kim Kardashyan, Naomi Uotts, Xolli Berri, Glenn Klouz, Teyana Teylor
Los Anjelesdagi ajrimlar bilan shug‘ullanuvchi yurist ayollar jamoasi haqida hikoya qiluvchi serialda Kim Kardashyan o‘zining aktrisalik mahoratini sinamoqda. Serialda muhim ijtimoiy mavzular va har bir qahramonga oid turfa muammolar ko‘tariladi.
5. “Gazeta” (The Paper)
Janr: Komediya
Premyera sanasi: 2025-yil sentyabr
Rejissyorlar: Greg Deniyels, Maykl Koman
Bosh rollarda: Donal Glison, Sabrina Impachchiatore
Bu loyiha “Ofis” seriali uslubida suratga olingan bo‘lib, unda gazeta tahririyati atrofida sodir bo‘ladigan vaziyatlarni ko‘rsatadi. O‘z vaqtida muvaffaqiyatsizlikka uchragan noshirlik jamoasi tahririyatni qayta jonlantirishga va mamlakatda keng tanitishga harakat qiladi.
6. “Dekster: Qayta tirilish” (Dexter: Resurrection)
Janri: Triller, kriminal
Premyera sanasi: 2025-yil 11-iyul
Rejissyor: Klayd Fillips
Bosh rolda: Maykl Si Holl
Mazkur mini serial “Dekster” teleserialining navbatdagi davomi bo‘lib, Paramount+ with Showtime platformasida premyerasi bo‘lishi rejalashtirilgan. Serialda Dekster Morgan o‘g‘li Harrison tomonidan o‘ldirilgan deb hisoblanadi, ammo yangi serialda u omon qolgani aniqlanadi. U og‘ir yaralangan holatda kasalxonaga yetkaziladi va hayot uchun kurashadi. Hushiga kelgach, Harrisonni topish umidida Nyu York shahriga yo‘l oladi.
Izoh (0)