АҚШда айфон смартфонларининг қанчалик мустаҳкам эканлигини тасдиқловчи ҳолат кузатилди.
Парашютчи Кесси Флей самолётдан сакрашдан олдин костюмининг олдинги чўнтагини ёпишни унутиб қўйган, шу сабабли телефон ерга тушиб кетган. Аввалига у телефони йўқолганини сезмаган, кейин эса қурилмани самолётда қолдирганман, деб ўйлади.
Фақатгина қўнганидан кейин Флей “iPhone’ни топиш” функциясидан фойдаланди, у қурилма қўниш жойидан тахминан олти километр узоқликдаги ўрмонда эканини кўрсатди. Ярим соатлик қидирувдан сўнг, парашютчи телефонини яхши ҳолатда топди — корпусда жиддий шикастланишлар йўқ эди ва барча дастурлар узлуксиз ишлади.
Парашютчини айниқса, телефоннинг тушиб кетиши ён тугмани “тузалгани” ҳайратда қолдирди, у бир неча йил олдин телефонга ичимлик қуйилиб кетганидан кейин ишламай қолганди.
Мутахассисларнинг фикрича, телефон дарахтлар устига тушгани сабабли яхши ҳолатда сақланиб қолган. Бунга iPhone корпусининг юқори мустаҳкамлиги ҳам ҳисса қўшган. Парашютчи бу камдан-кам учрайдиган омад эканини тан олди ва энди сакрашдан олдин нарсаларини диққат билан текширишга ваъда берди.
Изоҳ (0)