Хитойнинг Ulefone телефон бренди янги Power Armor 16 Pro смартфонини намойиш этди, у 122 децибеллгача бўлган ўта юқори овоз баландлигини қувватлайдиган улкан 36 мм динамик билан жиҳозланган, деб ёзади «Korrespondent.net» нашри. Гаджет AliExpress’да 9 октябрдан сотувга чиқарилади. Смартфоннинг нархи ошкор этилмаган, бироқ унинг қиймати 200 доллардан ошмаслиги кутилмоқда.
Гаджетлар тарихидаги энг баланд товушга эга смартфон икки хил: қора ва тўқ сариқ рангда тақдим этилган. У 5,93 дюймли HD+ дисплейга, 16 миллион пикселли + 2 миллион пикселли қўш камерага эга. Power Armor 16 Pro 9600 мА/соат батареяга эга. Гаджет ён томонида металл рамка ва орқа томонида чизиқли нақш билан жиҳозланган.
«Овоз баландлиги анча юқори, шунинг учун у фавқулодда ҳолатларда ёки фалокат юз берган пайтда сигнал беришда фойдали бўлади», — деб таъкидлади ишлаб чиқарувчи.
uSmart улагичи асосий блокнинг чап томонида ўрнатилган. Бу терминал иш учун фойдаланилиши мумкин бўлган қурилмаларни, масалан, алоҳида сотиладиган эндоскоп ва микроскопларни улаш имконини берувчи қурилмаларни бирлаштиради.
Мавзуга доир:
- Google «смартфон» таъмига эга чипсларни яратди (фото).
- Apple сирли iPhone 14 Plus’ни тақдим этади. Ушбу смартфон ҳақида нималар маълум?
- Смартфоннинг тез орада бузилишидан далолат берувчи белгилар маълум қилинди.
- Oppo K10: Dimensity 8000 Мах процессори ўрнатилган дунёдаги биринчи смартфон тақдим этилди.
Изоҳ (0)