Apple янгиланиши доирасида АirPods’га тезкор нутқ таржима қилиш функциясини қўшишни режалаштирмоқда. Бу функция йил охирида iOS 19 да пайдо бўлиши кутилмоқда. Бу ҳақда Bloomberg хабар бермоқда.
Дастурчилар таржима механизми икки томонлама алмашинувни назарда тутади: агар фойдаланувчи бошқа тилда нутқни эшитса, у таржима қилинади ва АirPods’га юборилади. Фойдаланувчининг нутқи ҳам таржима қилинади ва iPhone динамиклари орқали тингланади. Бундан ташқари, Стивен Жобс томонидан ташкил этилган компания ўз маҳсулотларининг имкониятларини кенгайтириш ва таржима сифатини янада яхшилаш мақсадида ҳаракат қилмоқда.
Айтиш жоизки, Apple операцион тизимларни янгилаш масаласига жиддий ёндашди ва уларни янгилашга тайёрланмоқда. Компания таъкидлашича, бу тарихдаги энг катта янгиланиш бўлади ва iPhone, iPad ва Маc интерфейсини фойдаланувчилар учун тушунарлироқ қилади. Шунингдек, белгилари, менюлари, иловалари ва тизим элементларининг стилисткасида Vision Prо дастурий таъминотига қисман йўналтирилган ўзгаришлар кутилмоқда.
Изоҳ (0)