5G, қўшимча камералар ва симсиз қувватлантиргич — смартфонлардаги фойдасиз функциялар

Смартфонингиздаги қайси хусусиятлар сиз учун керак эмаслигини аниқлаштириб оламиз.

5G тармоғини қўллаб-қувватлаш

2020 йилдан бошлаб смартфонлар бозорида бешинчи авлод уяли алоқа стандартларини қўллаб-қувватлайдиган гаджетлар пайдо бўла бошлади. Албатта, уларнинг нархи 5G бўлмаган шунга ўхшаш гаджетларга қараганда қимматроқ.

Аммо кўпгина мамлакатларда, шу жумладан, Қўшма Штатларда ҳам 5G фақат бир нечта шаҳарларда ишлайди ва аҳолининг кўпчилиги бундан фойдалана олмайди. Шу сабабли ҳам смартфоннинг 5G’ни қўллаб-қувватлаши кўпчилик учун фойдасиз имконият бўлиб, уни сотиб олгандан сўнг дарҳол ўчириб қўйиш мумкин.

Имо-ишора назорати

Қанча фойдаланувчилар ўз смартфонларини бошқариш учун имо-ишоралардан фойдаланади? Кўпчилик эмас, чунки бу ноқулай. Аксарият смартфонлар бу назорат усулини қўллаб-қувватлайди, лекин у яхши татбиқ этилмаган. Кўпинча, қурилма қўл ҳаракатларини ноаниқ, баъзан эса ўз вақтида таний олмайди.

Гаджет билан ишлашнинг бундай усули смартфондан фойдаланишда қулайлик яратмайди.

Қўшимча камералар

Сўнгги икки йилдаги энг зерикарли тенденциялардан бири — тўрт камерали модулларнинг смартфонларга қўшилиши бўлди. Аксарият брендлар, Xiaomi’дан Samsung’га қадар тўртта камерага эга бўлиш билан устунлик қилиш учун шу йўлни танлашди, лекин унинг ўрнига асосий, кенг бурчакли ёки макро линзаларнинг сифатини яхшилаш мумкин эди.

«Смартфонлардаги энг кераксиз нарса бу — бир вақтнинг ўзида бир нечта камерага эга бўлиши. Яхши суратга олиш учун битта юқори сифатли камера ва бир жуфт датчиклар кифоя қилади, қолган ҳамма нарса эса ускуналарнинг нархини кўтариш учун мўлжалланган», — дейди AMarket таҳлил бўлими бошлиғи Артем Деев.

Видео ва фото эффектлар

Баъзи смартфонларда камералар жуда кўп иш қилиши мумкин ва баъзи хусусиятлар қурилмадан фойдаланиш жараёнида оддий фойдаланувчи учун ҳеч қачон керак бўлмайди. Буларга супер секинлаштирувчи ҳаракат тасвири ва HDR видео киради.

Бир пайтлар Sony секинлаштирувчи ҳаракат эффектини ўз қурилмаларига олиб кирди, шундан сўнг бу нарса трендга айланди. Бироқ мазкур функция смартфонга нима учун кераклигини ҳеч ким тушунтириб беролмади.

SankiTechnical таъкидлаганидек, HDR видеолари одатдагидан кўра сифатли бўлиши керак, лекин бу фарқ оддий смартфон экранида кўринмайди.

Сўнгги пайтларда смартфонларда яна бир фойдасиз функция пайдо бўла бошлади — 4К дан унчалик фарқ қилмайдиган 8К пикселлар сонида суратга олиш. Аммо бунга нисбатан кўп оператив хотира талаб қилинади ва смартфон нархини сезиларли даражада оширади.

Айланувчи экран

Юқори аниқликдаги 4К дисплейлар ҳам бу борада ёрдам беролмайди. Бунинг сабаби оддий — инсон кўзлари кичик телефон дисплейида Full HD + ва 4К ўртасидаги фарқни сезмайди.

Симсиз қувватлантиргич

Гап шундаки, қувватлантиргич аслида симсиз эмас, ҳали ҳам телефонни электр манбайига улаш учун сим керак. Бироқ камчилик фақат шугина эмас: симсиз қувватлантиргич одатдагидан секинроқ ишлайди.