Клайв Льюиснинг машҳур романига асосланган “Нарния йилномалари” фильмининг янги қисмини суратга олиш ишлари расман бошланди. Картина 2026 йил ноябрь ойида Netflix ва IMAX кинотеатрларида намойиш этилиши режалаштирилган, деб хабар берди DiscussingFilm Х ижтимоий тармоғида.
Режиссёр ва сценарий муаллифи сифатида машҳур “Барби” фильми муаллифи Грета Гервиг иштирок этади. Фильм Клайв Стейплз Льюиснинг “Сеҳргарнинг жияни” туркумидаги олтинчи қиссага асосланади. Ушбу китобда Нарниянинг келиб чиқиши ҳақида ҳикоя қилинади ва воқеалар марказида Дигори амаки туфайли сеҳрли дунёни кашф этган Кирк ва Полли Пламмер туради.
Суратга олиш ишлари асосан Суррей графлигида, шунингдек, Лондон марказидаги айрим ҳудудларда олиб борилади. Актёрлар таркибида Эмма Макки, Дениел Крейг ва Кери Mallиганлар ҳам бор. Тасдиқланмаган маълумотларга кўра, актриса Мерл Стрип Аслан қаҳрамонига овоз бериши мумкин. Фильм продюсери сифатида эса Эми Паскал ижод қилади.
“Нарния йилномалари”нинг янги қисми 2026 йил ноябрь ойида IMAX кинотеатрларида премера қилинади. Шундан сўнг, жорий йилнинг Янги йил байрами арафасида Netflix платформасида намойиш этилади.
Netflix К. С. Льюис асарлари экранлаштириш ҳуқуқини илк бор 2018 йилда сотиб олган. 2020 йилда эса Гервигнинг режиссёр ва сценарий муаллифи сифатида лойиҳага жалб этилиши расман тасдиқланган. Аввалги экранизацияларни Дисней компанияси ишлаб чиққан.
Изоҳ (0)