AQSHda ayfon smartfonlarining qanchalik mustahkam ekanligini tasdiqlovchi holat kuzatildi.
Parashyutchi Kessi Fley samolyotdan sakrashdan oldin kostyumining oldingi cho‘ntagini yopishni unutib qo‘ygan, shu sababli telefon yerga tushib ketgan. Avvaliga u telefoni yo‘qolganini sezmagan, keyin esa qurilmani samolyotda qoldirganman, deb o‘yladi.
Faqatgina qo‘nganidan keyin Fley “iPhoneʼni topish” funksiyasidan foydalandi, u qurilma qo‘nish joyidan taxminan olti kilometr uzoqlikdagi o‘rmonda ekanini ko‘rsatdi. Yarim soatlik qidiruvdan so‘ng, parashyutchi telefonini yaxshi holatda topdi — korpusda jiddiy shikastlanishlar yo‘q edi va barcha dasturlar uzluksiz ishladi.
Parashyutchini ayniqsa, telefonning tushib ketishi yon tugmani “tuzalgani” hayratda qoldirdi, u bir necha yil oldin telefonga ichimlik quyilib ketganidan keyin ishlamay qolgandi.
Mutaxassislarning fikricha, telefon daraxtlar ustiga tushgani sababli yaxshi holatda saqlanib qolgan. Bunga iPhone korpusining yuqori mustahkamligi ham hissa qo‘shgan. Parashyutchi bu kamdan-kam uchraydigan omad ekanini tan oldi va endi sakrashdan oldin narsalarini diqqat bilan tekshirishga vaʼda berdi.
Izoh (0)