Роботлаштирилган манипуляторлар ёрдамида смартфонларни синовдан ўтказувчи PhoneBuff ресурси бу сафар янги iPhone 12 Prо Мах ва Samsung Galaxy Note20 Ultra’нинг автономлигини ўзаро таққослади, деб хабар беради IXBT.
Маълумот учун, қурилмаларнинг биринчисига 3687 мА/соатли, иккинчисига эса 4500 мА/соатли аккумулятор ўрнатилган. Samsung’нинг моделига каттароқ дисплей қўйилган, унинг 120 герци янгиланиш частотасини қўллаб-қувватлайди.
Эълон қилинган видеодан кўриш мумкинки, синовда Apple флагмани ғолиб чиққан. У 10 соат-у 20 дақиқа давомида ишлаб, 8 соат 55 дақиқа автономликни намойиш этган рақибини ортда қолдирган. Орадаги фарқ у қадар катта бўлмаса ҳам сезиларли.
Видеога диққат билан эътибор қаратилса, Galaxy Note20 Ultra телефон қўнғироғи ва видео томоша қилиш режимида бироз ёмонроқ натижани кўрсатган, кутиш режимида эса iPhone қурилмасидан камроқ энергия сарфлаган.
Аввалроқ iPhone 12 эгалари смартфон экрани блокда бўлганда ҳам аккумулятор сарфи кўплигидан шикоят қилаётгани тўғрисида хабар берилганди.
Изоҳ (0)