6 ноябрдан iPhone 12 mini ва iPhone 12 Pro Мах учун олдиндан буюртмаларни қабул қилиш бошланди. Ижтимоий тармоқларда эса Apple’нинг янги смартфонларига оид турли видеороликлар ва маълумотлар пайдо бўла бошлади, деб ёзади IXBT.
«Тўғрисини айтганда, бунга қадар катта телефон ишлатган бўлсангиз, бу каби смартфонни қўлда ушлаш бироз ғалати. Айрим нарсалар кўникишни талаб қилади, масалан, матн ёзиш, бироқ iPhone’дан фойдаланишнинг бошқа жиҳатлари — хабарлар ёки бошқарув маркази учун юқоридан пастга силжитишлар ҳар доимгидан ҳам осонлашган. Apple компанияси, эҳтимол, iPhone 8’дан кейин биринчи бор бир қўлда фойдаланиш мумкин бўлган флагман телефонни яратди», — деб ёзади The Verge 5,4 дюймли iPhone 12 mini ҳақида.
Шу билан бирга, нашр 6,7 дюймли iPhone 12 Pro Мах ҳақида ҳам маълумот бериб ўтган: «Унга қараганингизда ёлғон таассурот пайдо бўлади, чунки у пропорционал жиҳатдан оддий ўлчамли моделга ўхшайди. Фақатгина бошқа iPhone билан ёнма-ён қўйганингизда ўлчам ҳақиқатда ҳайратга солади».
CNET’нинг ёзишича, 5,4 дюймли экранга эга mini смартфоннинг функциялари оддий iPhone 12’никидан фарқ қилмайди. Таъкидланишича, ушбу телефон қўллари ёки ҳамёни кичкина инсонлар учун мос келади.
TechCrunch’нинг қайд этишича, iPhone 12 Pro Мах «айфон»лар тарихидаги энг катта смартфон бўлсада, кўринишидан у қадар йирик эмас.
Мавзуга доир:
Изоҳ (0)