Apple’нинг янги iPhone 17 Air смартфони аввалги моделларга қараганда сезиларли даражада пастроқ автономликка эга бўлади. Ушбу камчиликни қоплаш учун компания қурилма учун махсус батареяли ғилоф чиқаришни режалаштирмоқда.
Apple’нинг тахминларига кўра, iPhone 17 Air фойдаланувчиларининг фақат 60–70 фоизи iPhone’ни бир кун давомида қувватсиз ишлатиши мумкин. Бошқа iPhone моделлари учун бу кўрсаткич 80–90 фоизни ташкил этади. Бунинг асосий сабаби қалинлиги атиги 5,5 миллиметр бўлган жуда ингичка корпусда. Бу iPhone 17 Air’ни Apple тарихидаги энг ингичка смартфон қилади.
Аккумуляторли ғилофлар аввал ҳам чиқарилган. Ақлли қувватлантирувчи ғилоф қурилма корпусини зич қоплаб, Лайтнинг улагичи орқали уланарди. iPhone 12 дан бошлаб эса компания MagCafe Battery Pack — қурилманинг орқа панелига магнитлар ёрдамида бирикадиган ихчам ташқи батареяни тақдим этди. Янги ғилоф эса икки функцияни бажаради — қурилмани ҳимоя қилиш ва унинг ишлаш вақтини узайтириш.
iPhone 17 Air минималистик дизайн билан тақдим этилади — фақат бир асосий камера модули ва бир динамикка эга бўлади. SIM-карта уяси эса мавжуд бўлмайди.
Ҳозирча янгиликнинг қанчалик муваффақияти бўлиши ноаниқ. Манба маълумотларига кўра, етказиб берувчилар iPhone 17 сериясининг фақат 10 фоиз ишлаб чиқариш қувватини Air моделига ажратган. Бу каби радикал дизайн шаклини бозорда қандай кутиб олишларига шубҳалар мавжуд.
iPhone 17 Air тақдимоти сентябрь ойида бўлиши кутилмоқда.
Изоҳ (0)