Apple компаниясининг флагман смартфони iPhone 17 Pro’нинг дизайни илгари тахмин қилинганидек, ўтмишдошидан жиддий фарқ қилмайди. Бу ҳақда Bloomberg шарҳловчиси Марк Гурман маълум қилган.
Муаллиф таъкидлашича, у 17-серияда Prо-версия кўринишида кескин ўзгариш кутмаяпти, чунки у олдинги моделга жуда ўхшаш бўлиб қолади. Унинг айтишича, орқа панел барибир ўзгаришларга учраган, модел телефоннинг юқори қисмида горизонтал жойлашган тўлиқ ўлчамли тўртбурчак камера модули билан ажралиб туради. Ушбу янгилик аввалги квадрат шаклидаги видеокамералар блокининг ўрнини эгаллайди.
Бутун 17-сериянинг асосий фарқи турли рангдаги корпуслардан ажралиб турадиган тўғри бурчакли қора камера модули бўлиши кутилган эди. Бироқ Гурман компаниядаги манбаларга асосланиб, Apple дизайнни ўзгартиргани ва камера модули корпус билан бир хил рангда қолишини маълум қилди.
Бундан ташқари, Apple 17-серияни Аir деб номланган ўта юпқа модификация билан тўлдиради. Ушбу модел унча машҳур бўлмаган Plus версиясининг ўрнини эгаллаши керак. Гурманнинг сўзларига кўра, умуман олганда, туб ўзгаришларни 2027 йилга, яъни оригинал iPhone’нинг 20 йиллик юбилейига қадар кутиш керак бўлади.
Изоҳ (0)