Apple компанияси Plus қўшимчаси бор iPhone моделларини яна ишлаб чиқарадиган кўринади. Охирги марта бу каби номга 2017-тилда тақдим этилган iPhone 8 Plus эга бўлганди, деб хабар беради Hi-Tech.Mail.ru.
Бундан олдин, инсайдерлар Apple линейкадаги энг кичкина телефон — iPhone mini’ни ишлаб чиқаришни тўхтатишини маълум қилганди. Унинг ўрнига компания экран ўлчами борасида iPhone 14 Pro Max’дан ортда қолмайдиган янги қурилмани тақдим этади. Бироқ кўпчилик ушбу моделни iPhone 14 Мах деб атаб келаётганди, PhoneArena’нинг янги маълумотларига кўра, бу хато бўлиши мумкин.
Нашрнинг ёзишича, «Plus қўшимчаси 2022 йилги iPhone учун қайта тирилади». iPhone 14 Plus худди 14 Pro Max каби 6,7 дюймли экранга эга бўлади, бироқ техник тавсифи борасида анча содда — у iPhone 14 линейкасидаги базавий модель имкониятларини ўзида мужассам этади.
iPhone 14 ҳақида яна нималар маълум?
- Одатдаги «қош» ўрнига Prо-моделларда i-қирқим пайдо бўлади;
- Про моделларга 48 мегапикселли асосий камера ўрнатилади;
- Катта экранли янги модель iPhone миниънинг ўрнини эгаллайди;
- Тезкор хотираси 6 гигабайтга қадар ошади;
- Prо-модель янги Apple А16 процессорига эга бўлади;
- Фавқулодда вазиятларда сунъий йўлдош алоқасини қўллаб-қувватлаш имконияти пайдо бўлади.
Изоҳ (0)