Apple iOS 18.4 янгиланишини чиқаргандан сўнг фойдаланувчиларнинг оммавий танқидига учради. Бу янгиланиш iPhone аккумуляторлари ишлашининг ёмонлашгани ҳақида оммавий шикоятларга сабаб бўлди. Бу ҳақда Daily Mail хабар бермоқда.
Янгиланиш билан iPhone фойдаланувчилари кўплаб янги имкониятларга, жумладан, янги эможилар ва Apple Intelligence сунъий интеллектга асосланган функцияларга эга бўлишди. Бироқ, операцион тизимнинг янги версиясини ўрнатган фойдаланувчилар энергия истеъмоли билан боғлиқ жиддий муаммолардан оммавий равишда шикоят қилмоқда.
Фойдаланувчилар янгиланиш ўрнатилгандан сўнг аккумуляторнинг ишлаш вақти кескин қисқарганидан ижтимоий тармоқларда норозилик билдира бошлаган. Хусусан, Х фойдаланувчиси @OldAppleТеch аккумулятор ҳолатини “мутлақо даҳшатли” деб таърифлади.
iPhone’нинг бошқа эгалари эса аккумуляторнинг қолдиқ қуввати 87 фоиздан 79 фоизга тушиб кетгани ва қурилмани ҳар куни бир неча марта қувватлантириш зарурлиги ҳақида шикоят қилиб, ўз норозилигини билдирмоқда.
Apple компанияси янгиланишдан сўнг қурилманинг нормал ишлашини бир неча кун кутиш кераклигини бир неча бор таъкидлаган. Улар аккумуляторнинг тез сарфланишини қурилманинг фаол ишлаши ва тизимнинг оптималлаштирилиши жараёни билан изоҳлади.
Изоҳ (0)