Ижтимоий тармоқларда “Ғузорда ички ишлар органлари ходимлари ва шопирлар ўртасида тортишув” сарлавҳали видео тарқалди. Ҳолат юзасидан вилоят ЙҲХБ маълумот берди.
Унга кўра, Ғузор туманида ички ишлар бўлими профилактика инспектори ва бошқарма патрул-пост батальон ходимлари хизмат ўтаётган вақтида юк машина ҳайдовчисига тўхташ ишораси берилганда қочишга ҳаракат қилган.
Ҳайдовчини тўхтатиб ҳужжатлар сўралганда фуқаро ходимларнинг қонуний талабини бажармасдан, укаси фаол қаршилик кўрсатган. Ака-укаларга нисбатан тегишли тартибда ҳужжатлар расмийлаштирилиб, жиноят ишлари бўйича туман судига юборилди.
Суд ҳукми билан ака-укага нисбатан БҲМнинг 7 баробари ҳамда 3 суткагача қамоқ жазоси тайинланди.
Бундан аввал Бухоро вилоятининг Жондор туманида ҳайдовчи Cobalt’ни қасддан ЙПХ ходими устига ҳайдагани ҳақида хабар берилган эди. 19 январь куни Навоийда 16 ёшли бола отасининг машинасида ЙПХ ходимини уриб юбориб, унинг ўлимига сабабчи бўлганди.
Изоҳ (0)