Ижтимоий тармоқларда Наманган вилоятининг Норин туманида ИИБ ходимлари ва фуқаролар ўртасида тортишув юзага келгани тасвирланган видео тарқалди. Вилоят ИИБ ахборот хизмати мазкур ҳолатга расмий муносабат билдирди.
Маълум қилинишича, 14 апрель куни соат 07:30 ларда Норин туманидаги автомобиль бозори атрофида «Жигули» русумли транспорт воситаси ҳайдовчиси шу ҳудудга йиғилган фуқароларнинг ҳаётига хавф туғдириб, юқори тезликда ҳаракатлангани учун жамоат тартибини сақлашга жалб этилган ходимлар томонидан тўхтатилган. Текширув давомида ҳайдовчининг ҳеч қандай ҳужжатлари йўқлиги маълум бўлган.
Баённома расмийлаштириш вақтида автомашина эгаси қонуний талабга бўйсунмай, инспекторга фаол қаршилик кўрсатган. Таъкидланишича, ҳозирда туман ИИБ томонидан ушбу фуқарога нисбатан тегишли тартибда чора кўрилмоқда.
Аввалроқ Фарғонада профилактика инспекторига тан жароҳати етказган маст фуқарога жиноят иши қўзғатилган, Тошкент шаҳар ҳокими қабулига келган фуқаро ИИБ ходимлари томонидан ушлангани айтилган хабарлар рад этилган, Фарғонада ИИБ ходимларини ҳақорат қилиб, тан жароҳати етказган маст ҳайдовчига жиноят иши қўзғатилгани тўғрисида хабар берилганди.
Изоҳ (0)