Ижтимоий тармоқларда ЙПХ ходими ҳайдовчига қўл кўтаргани ҳақида хабарлар тарқалди. Ҳолат юзасидан Тошкент шаҳар ИИББ ЙҲХБ изоҳ берди.
Маълум қилинишича, 11 апрель куни соат 23:50 ларда ЙПХ ходимлари давлат рақам белгисисиз, ноқонуний равишда “мигалка” ўрнатиб, уларни ёқиб олган Spark автомашинасига тўхташ ишорасини берган.
Ҳайдовчи ходимларнинг кўрсатмасига амал қилмасдан, ҳаракатини давом эттиради. У бир неча бор светофорнинг қизил чироғига бўйсунмайди. Ходимлар автомашинани тўхтатиб, уни жарима майдончасига қўйди.
Ҳайдовчини жавобгарликка тортиш масаласи кўриб чиқилмоқда. Шунингдек, ЙПХ ходимларига нисбатан хизмат текшируви тайинланган.
Тошкент шаҳрида 5 апрель куни юқори тезликда ҳаракатланган Malibu ҳайдовчиси ЙПХ ходимини “капот” устида судраб кетганди.
Изоҳ (0)