Ижтимоий тармоқларда Самарқандда ЙПХ ходими ҳайдовчига электрошокер кўрсатгани акс этган видео тарқалди. Самарқанд вилояти ИИБ матбуот котиби ҳолатга муносабат билдириб, ҳозирда хизмат текшируви ўтказилаётганини маълум қилди.
20 май куни Жомбой тумани Галакапа кўчасида хизмат олиб бораётган Самарқанд вилояти ИИБ ЖХХ ЙПХБ 1-отряди инспектори М.Атабаев томонидан шу кўчада ҳаракатланиб келаётган Spark тўхтатиб текширилган. Ҳайдовчи Л.А. машинани меъёрий ҳужжатларсиз бошқариб, йўл ҳаракати қоидасининиг тегишли бандини бузиб келаётгани аниқланган.
Ушбу ҳолат юзасидан ҳайдовчига нисбатан маъмурий баённома расмийлаштирилиб, инспектор машинасини вақтинчалик сақлаш учун жарима майдончасига қўйишини айтган. Ҳайдовчи унга қаршилик қилиб, ходимнинг қонуний талабига бўйсунмай, инспектордан эвакуатор чақиришини сўраган.
Инспектор ҳайдовчини агарда унинг қонуний талабларига бўйсунмаса, электрошокер қурилмасини қўллаши бўйича огоҳлантирган ҳамда машина эвакуатор ёрдамида вақтинчалик сақлаш учун жарима майдончасига жойлаштирилган.
Ҳолат юзасидан хизмат текшируви ўтказилмоқда.
Аввалроқ Самарқандда ИИБ ходимлари туристларга электрошокер қўллагани ва ҳолат юзасидан хизмат текшируви бошлангани тўғрисида хабар берилганди.
Мавзуга доир:
- Самарқандда ИИБ ходими погонини ўзи юлиб, бунда ёнидаги аёлни айблагани кўринган видео тарқалди. Вазирлик ҳолат ўрганилаётганини маълум қилди
- Тошкент вилоятида Matiz ҳайдовчиси ва ЙПХ ходимлари ўртасида жанжал содир бўлди (видео)
- Наманганда ЙПХ ходими ва ниқобли шахс фуқароларга электрошокер ишлатгани айтилди — видео
Изоҳ (0)